ဓ​မ္မ​ရာ​ဇာ​ဝၚ်​စ​တု​တ္ထ​ဝက် ၂၄

၁ပ္ဍဲ​လက်​ထက်​သၟီ​ယဝ်​ယ​ကိမ်၊ ဨ​က​ရာတ်​ၜါ​ၜု​လောန် နေ​ၜု​ခါတ်​နေ​ဇာ​ဝွံ ဇက်​ကၠုၚ်​တုဲ၊ ယဝ်​ယ​ကိမ်​ဒုၚ်​ဍိက်​ပိ​သၞာံ​ရ၊ ပၠန်​ဂ​တး​မွဲ​ဝါ​ပၠန်​တုဲ ပ​သ​ပုန်​ရ။ ၂အ​တိုၚ်​ဂ​လာန်​ကျာ်​ထာ​ဝ​ရ မ​ဟီု​ပၟိၚ်​န​ကဵု​ဍိက်​ဇ​ကု​ပ​ရဝ်​ဖေတ်​ဂှ်၊ ညံၚ်​ဂွံ​ပ​လီု​ရး​ယု​ဍ​ဂှ် ကောန်​ဒပ်​ခါ​လ​ဍာဲ၊ ကောန်​ဒပ်​သှု​ရိ၊ ကောန်​ဒပ်​မဝ်​ၜ၊ ကောန်​ဒပ်​အာ​မ္မောန်​တံ​ဂှ် ကဵု​ဇက်​ပၞာန်​ရ။ ၃-၄ဒုဟ်​သၟီ​မ​နာ​သှေ​ဆ​မ​ပ​ဒး၊ ညး​ဟွံ​ကြိုက်​ကဵု​ဒုၚ်​ဂ​စိုတ်​တံ​ဂှ် ဂ​စိုတ်​တုဲ၊ ဒုဟ်​မ​ကဵု​ဍုၚ်​ယေ​ရု​သှ​လေမ်​ပေၚ်​ကဵု​ဆီ​ညး​တံ​ဂ​မၠိုၚ်​ဂှ် ကျာ်​ထာ​ဝ​ရ​ဟွံ​ဗ​လး။ ဂ​ကူ​ယု​ဍ​ဂှ် တၞံ​န​သၟိက်​ဂွံ​ပါဲ​နူ​မု​က္ခ​ဝါ၊ ဆ​အ​တိုၚ်​မ​စဳ​ရေၚ်​ကီု​အ​မှု​တေံ​မ​စိုပ်​ရောၚ်။ ၅အ​ရာ​ပွ​ယဝ်​ယ​ကိမ်​မ​ပ​ဆ​မ​သေဟ်​တံ​ဝွံ ပ္ဍဲ​ရာ​ဇာ​ဝၚ်​ယု​ဍ​နွံ​ချူ​လဝ်​ရ။ ၆ယဝ်​ယ​ကိမ်​ဝွံ သ္တိက်​လှိၚ်​ပ္ဍဲ​ဇု​ဇ​ဗဴ​လ​တုဲ၊ ကောန်​ညး​ယေ​ခဝ်​နိ​ဝွံ ဂ​ဇံ​နန်​ပ္ဍဲ​ဒၞာဲ​မ​အံက်​ရ။ ၇မ​ပ္တံ​နူ​ကဵု​ၜဳ​အာဲ​ဂု​တ္တု​တုဲ ဒဵု​ကဵု​ၜဳ​ဥ​ဖ​ရာတ်၊ တိ​ဨ​က​ရာတ်​အာဲ​ဂု​တ္တု​ဆ​မ​ပိုၚ်​ဂှ် ဟိုတ်​ဨ​က​ရာတ်​ၜါ​ၜု​လောန်​မ​ကေတ်၊ ကြဴ​မွဲ​ဝါ​ဨ​က​ရာတ်​အာဲ​ဂု​တ္တု​ဝွံ နူ​ရး​ဇ​ကု​ဟွံ​ဂွံ​ဇက်​တိတ်​ရ။

၈ယေ​ခဝ်​နိ​ဝွံ ကာ​လ​မ​နွံ​အ​ယုက်​စှ်​ဒ​စာံ​သၞာံ ဂ​ဇံ​နန်​တုဲ အုပ်​လ​ဒံ​ပ္ဍဲ​ဍုၚ်​ယေ​ရု​သှ​လေမ်​ပိ​ဂိ​တု​ရ။ မိ​ညး​မ္ဂး​ဂှ်၊ ကောန်​ဗြဴ​ဨ​လ​နာ​ထာန် ကောန်​ဍုၚ်​ယေ​ရု​သှ​လေမ်​မ​နွံ​ယၟု​န​ဟု​တ္တ​ရ။ ၉သၟီ​တေံ​ဝွံ အ​တိုၚ်​ဆ​မ​အံက်​မ​ပ၊ ပ္ဍဲ​ဂ​တ​ကျာ်​ထာ​ဝ​ရ​ဒု​စ​ရိုတ်​ဂှ် ပ​ရ။

၁၀ပ္ဍဲ​ကာ​လ​ဂှ် ဍိက်​နေ​ၜု​ခါဒ်​နေ​ဇာ​ဨ​က​ရာတ်​ၜါ​ၜု​လောန်​တံ​ဝွံ ဇက်​ပၞာန်​ပ္ဍဲ​ဍုၚ်​ယေ​ရု​သှ​လေမ်​တုဲ ဗိုၚ်​လဝ်​အိုတ်​ရ။ ၁၁ဨ​က​ရာတ်​ၜါ​ၜု​လောန်​နေ​ၜု​ခါဒ်​နေ​ဇာ​ဝွံ ဇ​ကု​ညး​စိုပ်​တုဲ၊ ဍိက်​ညး​တံ​ဝွံ ကာ​လ​မ​ဗိုၚ်​လဝ်​ဍုၚ်​အိုတ်​ဂှ်၊ ၁၂ဨ​က​ရာတ်​ယု​ဍ​ယေ​ခဝ်​နိ​ဝွံ၊ မ​ပ္တံ​ကဵု​မိ​ညး​တုဲ၊ ဍိက်၊ အ​မာတ်​ဒဴ​ဗ​ညာ၊ သီု​ညး​မ​နွံ​ယၟု​တံ​မွဲ​စွံ​တိတ်​ပ္ဍဲ​ဨ​က​ရာတ်​ၜါ​ၜု​လောန်​တုဲ၊ ပ္ဍဲ​ဨ​က​ရာတ်​ၜါ​ၜု​လောန်​ဂ​ဇံ​နန်​ဒ​စာံ​သၞာံ​ဂွံ​ဨ​က​ရာတ်​ယု​ဍ​ဂှ်​ရ။ ၁၃အ​တိုၚ်​ကျာ်​ထာ​ဝ​ရ​မ​ကေၚ်​ဟီု​ပၟိၚ်၊ ဗါ​န္ဒာ​လွဳ​မာန်​ကဵု​ဗါ​န္ဒာ​ဆ​မ​နွံ​ပ္ဍဲ​နန်​ဂှ် သီ​ဏာ​တုဲ၊ သွက်​လွဳ​မာန်​အ​ပေါတ်​ထဝ်​သှဝ်​လ​မောန်​ဨ​က​ရာတ်​ဣ​သ​ရေ​လ​မ​ကၠောန်​အိုတ်​သီု​တံ​ဂှ် ဒ​ပိုတ်​ဒ​ကုတ်​ဒ​ကုတ်​ရ။ ၁၄အ​မာတ်​ဒဴ​ဗ​ညာ​ကောန်​ဍုၚ်​ယေ​ရု​သှ​လေမ်၊ သ​ရာဲ​ပၞာန်​မ​ဇၞော်​ကဵု​ဇြ​ဟတ်​မွဲ​လက်၊ သၟာ​ကွတ်​အ္စာ​ဒ​မာတ်​တၟေၚ်​တၟေၚ်​တၟဟ်​တၟဟ်​အိုတ်​သီု​တံ​ဂှ် သီ​ဏာ​တုဲ၊ ဝေၚ်​နူ​ကောန်​တ​လ​ဒ​ဒိုက်​မၞိဟ်​သာ​မ​ည​မူ​ရဴ​ညး​မွဲ​ဟွံ​ဂွံ​သေဟ်​ဇး၊ ၁၅-၁၆ယေ​ခဝ်​နိ​ကဵု​မိ​ညး မ​ပ္တံ​ကဵု​ဂၞ​ကျာ်​ဂ​မၠိုၚ်၊ သၟီ​ဂ​မၠိုၚ်၊ ကောန်​ရး​မ​ဇၞော်​ကဵု​ဇြ​ဟတ်​အိုတ်​သီု၊ ညး​မ​နွံ​အ​စောံ​ညံၚ်​ဂွံ​ဗ​တိုက်​ပၞာန်​ဆ​မ​နွံ၊ ညး​မ​ဇၞော်​ကဵု​ဇြ​ဟတ်​ထ​ပှ်​လ္ၚီ၊ သၟာ​ကွတ်​အ္စာ​ဒ​မာတ်​တၟေၚ်​တၟဟ်​တၞဟ်​တၞဟ်​နူ​ဍုၚ်​ယေ​ရု​သှ​လေမ်​ဂှ်၊ သီ​ဏာ​ပ္ဍဲ​ဍုၚ်​ၜါ​ၜု​လောန်​ရ။

၁၇ဨ​က​ရာတ်​ၜါ​ၜု​လောန်​ဝွံ အ​မူ​ယေ​ခဝ်​နိ​မ​တ္တ​နိ​ဂှ် န​ကဵု​ယၟု​ဇေ​ဍ​ကိ​သၟုတ်​တုဲ ပ္ဍဲ​ဒၞာဲ​ယေ​ခဝ်​နိ​ပ္တိုန်​နန်​ရ။ ၁၈ဇေ​ဍ​ကိ​ဝွံ ကာ​လ​မ​နွံ​အ​ယုက်​ၜါ​စှ်ော​ၜါ​သၞာံ​ဂ​ဇံ​နန်​တုဲ အုပ်​လ​ဒံ​ပ္ဍဲ​ဍုၚ်​ယေ​ရု​သှ​လေမ်​စှ်​မွဲ​သၞာံ​ရ။ မိ​ညး​မ္ဂး​ဂှ်၊ ကောန်​ဗြဴ​ယေ​ရ​မိ၊ ကောန်​ဍုၚ်​လိ​ၜ​န၊ မ​နွံ​ယၟု​ဟာ​မု​တာ​လ​ရ။ ၁၉တေံ​သၟီ​ဝွံ ဆ​အ​တိုၚ်​ယဝ်​ယ​ကိမ်​မ​ပ၊ ပ္ဍဲ​ဂ​တ​ကျာ်​ထာ​ဝ​ရ​ပ​ဒု​စ​ရိုတ်​ရ။ ၂၀ကျာ်​ထာ​ဝ​ရ​ဝွံ ညး​ရး​ယု​ဍ​ကောန်​ဍုၚ်​ယေ​ရု​သှ​လေမ်​တံ​ဂှ် ဒဵု​ကဵု​ဟွံ​ဗက်​ပ္တိတ်​နူ​ထာန်​ဇ​ကု၊ ပၞောတ်​တိတ်​တုဲ၊ သၟီ​ဇေ​ဍ​ကိ​ဝွံ ပ​သ​ပုန်​ကဵု​ဨ​က​ရာတ်​ၜါ​ၜု​လောန်​ရ။