ဓ​မ္မ​ရာ​ဇာ​ဝၚ်​ဒု​တိ​ယ​ဝက် ၁၆

၁ဍာ​ဝိဒ်​ဝွံ ကာ​လ​မ​လောန်​အာ​က္ဍဟ်​ဒဵု​ဗွဲ​မ​အောန်​ဂှ်၊ ဍိက်​မေ​ဖိ​ၜဝ်​သှေက်​ဇိ​ၜ​ဝွံ ကောံ​ကု​မာဲ​ၜါ​ပ္ဍိုက်​ဖုန်​မွဲ​စွံ​ကွာၚ်​က​လောံ​ၜါ​ကၠံ၊ သတ်​ဇ​ဗျေတ်​သ္ကဟ်​ကၠံ​ခ​စိုတ်၊ သတ်​ဝိ​က္ၜၚ်​ကၠံ​ခ​တေဟ်​ဗဳ​ဍာ်​ဇ​ဗျေတ်​မွဲ​မ​ဂှ် ပ္တိုန်​ဏာ​ပ္ဍဲ​လ​တူ​မာဲ​တုဲ၊ ညံၚ်​ဂွံ​ဝါၚ်​ဒုၚ်​တ​လုၚ်​ဂှ် ကၠုၚ်​ရ။ ၂ဨ​က​ရာတ်​ဂှ်​လေ၊ ပ​သာ်​သၟိက်​ဂွံ​ပ​တုဲ ပ​လံၚ်​နၚ်​ဒြပ်​ဝွံ​ဂှ်​ရော သာ်​ဝွံ သၟာန်​ဇိ​ၜ​မ္ဂး၊ ဇိ​ၜ​ဝွံ မာဲ​တံ​ဝွံ သွက်​ကောန်​နန်​ဂ​မၠိုၚ်​ဂွံ​ဍိုက်​၊ ကွာၚ်​ကဵု​သတ်​ဆု​တံ​ဂှ် သွက်​မၚ်​ဗၠာဲ​ဂ​မၠိုၚ်​ဂွံ​စ၊ ဍာ်​ဇ​ဗျေတ်​ဂှ်​လေ သွက်​ညး​ဂ​မၠိုၚ်​မ​ဍောၚ်​ပ္ဍဲ​ဂြိုပ်​ဂွံ​သုၚ်​ဂှ် မ​ဒှ်​ရ သာ်​ဝွံ ပ္တီ​ရ။ ၃ဨ​က​ရာတ်​ဂှ်​လေ၊ ကောန်​နာဲ​မၞး​ဝွံ မူ​ဒၞါဲ​မ​နွံ​ရော သာ်​ဝွံ သၟာန်​မ္ဂး၊ ဇိ​ၜ​ဝွံ နွံ​ဒၟံၚ်​ပ္ဍဲ​ဍုၚ်​ယေ​ရု​သှ​လေမ်​ရ။ ပ္ဍဲ​တ္ၚဲ​ဝွံ ဂ​ကူ​ဣ​သ​ရေ​လ​ဝွံ၊ ရး​နဳ​ဂီု​မ​ဂှ် က​လေၚ်​ကဵု​ရောၚ် သာ်​ဝွံ ဒ​ဒှ်​မ​ဟီု​ဂှ် ပ္တီ​မ္ဂး၊ ၄ဨ​က​ရာတ်​ဝွံ၊ ဒြပ်​ဆ​မ​ဆေၚ်​စပ်​ကဵု​မေ​ဖိ​ၜဝ်​သှေက်​ဂှ် ကဵု​ဒှ်​ဒြပ်​မၞး​ညိ သာ်​ဝွံ ဟီု​ပၟိၚ်​ကဵု​ဇိ​ၜ​ရ။ ဇိ​ၜ​ဂှ်​လေ၊ မ​သှာတ်​သၟီ​ဇၞော်၊ အဲ​ဍိက်​ဝွံ ညံၚ်​ဂွံ​ဂွံ​မုက်​က္ခ​ဝါ​ပ္ဍဲ​ဂ​တ​တဳ​လ​ဂုန်​ဂှ်၊ လ္ၚောဝ်​ဒုၚ်​ဂုန်​ရ သာ်​ဝွံ က​လေၚ်​ပ္တီ​ရ။

၅သၟီ​ဇၞော်​ဍာ​ဝိဒ်​ဝွံ ကာ​လ​မ​စိုပ် ပ္ဍဲ​ဍုၚ်​ၜါ​ဟု​ရိမ် မၞိဟ်​ဂ​ကူ​ဝေါၚ်​သ သှဝ်​လု​ကောန်​ဂေ​ရ​မ​နွံ​ယၟု​သှိ​မိ​ဝွံ လက်​ချဴ​တုဲ တိတ်​ကၠုၚ်​ရ။ ၆ပ္ဍဲ​သၟီ​ဇၞော်​ဍာ​ဝိဒ်​ကဵု​ဍိက်​တံ​ဂှ် ဗိုတ်​ကဵု​တၟံ​ရ။ မၞိဟ်​ဂ​မၠိုၚ်​အိုတ်​သီု​ကဵု​အ​မာတ်​ဒဴ​ဗ​ညာ အိုတ်​သီု​တံ​ဝွံ နွံ​ပ္ဍဲ​လ္ပာ်​တဲ​သ္တုံ၊ လ္ပာ်​တဲ​ဇွိ​အိုတ်​ရ။ ၇ဂ​လာန်​သှိ​မိ​မ​လက်​ချဴ​မ္ဂး​ဂှ်၊ အာ​ဟေံ၊ အာ​ဟေံ၊ မၞိဟ်​အ​ဓ​မ္မ​မ​ဂ​စိုတ်​လ​မျီု​မၞိဟ်၊ ၈ရး​နဳ​ဂီု​သှဝ်​လု​ဂှ် ပၠံၚ်​ကေတ်​တုဲ ဒုဟ်​မ​ဂ​စိုတ်​လ​မျီု​ဂ​ကူ​ဝေါၚ်​သ​ညး​အိုတ်​သီု​ဂှ် ကျာ်​ထာ​ဝ​ရ​ကဵု​စိုပ်​ပ္ဍဲ​လ​တူ​က္ဍိုပ်​မၞး​တုဲ၊ ရး​နဳ​ဂီု​ဂှ် ပ​အပ်​ကဵု​ပ္ဍဲ​တဲ​ကောန်​မၞး​အ​ၜ​သှ​လောမ်​တုဲ​ရ။ မၞး​ဝွံ ဟိုတ်​မ​ဒှ်​မၞိဟ်​မ​ဂ​စိုတ်​လ​မျီု​ညး​ဂှ် ရံၚ်​ညိ။ အ​မှု​ဇၞော်​စိုပ်​တုဲ​ရ သာ်​ဝွံ ဟီု​ရ။ ၉ကောန်​ဇေ​ရု​ယာ​အ​ၜိ​သှာဲ​ဂှ်​လေ၊ ဇွ​ကၠဵု​ဂ​မ္စိုတ်​တေံ​ဝွံ ဂွံ​လက်​ချဴ​မ​သှာတ်​သၟီ​ဇၞော်​ရောၚ်​ဟာ။ အဲ​ဍိက်​အာ​တုဲ ကဵု​ဂွံ​ကုတ်​ဂ​ပိုတ်​ကအ်​ညး​ညိ သာ်​ဝွံ ပ္တီ​မ္ဂး။ ၁၀ဨ​က​ရာတ်​ဂှ်​လေ အဵု​ကောန်​ဇေ​ရု​ယာ​တံ၊ မၞး​တံ​ဝွံ ပ​သာ်​မ​ဆေၚ်​ကဵု​အဲ​ရော။ တေံ​ညး​ဂှ် ကဵု​လက်​ချဴ​ညိ။ လက်​ချဴ​ဍာ​ဝိဒ်​ရ သာ်​ဝွံ ကျာ်​ထာ​ဝ​ရ​ဝွံ​လေ ဗ္ကန်​လဝ်​တုဲ​ရ။ ဒှ်​သာ်​ဂှ်​တုဲ၊ မၞး​ဝွံ မူ​ဟိုတ်​ပ​သာ်​ဂှ်​ရော သာ်​ဝွံ မူ​ရဴ​ညး​မွဲ​မ​ဒး​ဟီု​ဂှ်​လေ​ကီု၊ ၁၁ရံၚ်​မွဲ​ညိ။ ကောန်​အ​ရေၚ်​မ​တိတ်​နူ​ဇ​ကု​အဲ​ဂှ်၊ ဂၠါဲ​လ​မျီု​အဲ​ရ။ ကောန်​ဂ​ကူ​ၜေန်​ယာ​မိန်​တေံ​ဝွံ လောန်​နူ​ဂှ် နွံ​အ​ခေါၚ်​ရောၚ်။ ညး​ဂှ် ကဵု​နွံ​ညိ​ရ။ ကဵု​လက်​ချဴ​ရ။ ကျာ်​ထာ​ဝ​ရ​ဗ္ကန်​လဝ်​တုဲ​ရ။ ၁၂ကျာ်​ထာ​ဝ​ရ​ဝွံ ဒ​ဒိုက်​ဒု​က္ခ​အဲ​ဂှ် ရံၚ်​မွဲ​တုဲ၊ ပ္ဍဲ​တ္ၚဲ​ဏံ​သွက်​ညး​တေံ မ​လက်​ချဴ​ဂှ်​လေပ်​ကဵု​ဂုန်​ကီု​ရောၚ် သာ်​ဝွံ​ဂှ်​လေ​ကီု၊ ဟီု​ပၟိၚ်​ကဵု​အ​ၜိ​သှာဲ​ကဵု ဍိက်​အိုတ်​သီု​တံ​ဂှ်​ရ။ ၁၃ဍာ​ဝိဒ်​ဝွံ ကာ​လ​မ​အာ​ပ္ဍဲ​ဂၠံၚ်​သီု​ကဵု​ညး​မ​ဗက်​လက်​က​ရဴ​မွဲ​စွံ သှိ​မိ​ဝွံ၊ ပ္ဍဲ​မွဲ​လ္ပာ်​ဍာ​ဝိဒ်​ကွာ်​အာ​ဇ​ရေၚ်​တ​ကဴ​ဒဵု​တုဲ၊ ချဴ​တုဲ ဗိုတ်​ကဵု​တၟံ​မ္ဂး၊ ခ​နိက်​တိ​ဂှ်​လေ ပက်​ရ။ ၁၄မ​ပ္တံ​ကဵု​ဨ​က​ရာတ်​တုဲ ညး​မ​ဗက်​ပ္ဍဲ​လက်​က​ရဴ ဨ​က​ရာတ်​အိုတ်​သီု​တံ​ဝွံ ဍောၚ်​ၜိုတ်​တုဲ၊ စိုပ်​ပ္ဍဲ​ဍုၚ်​ၜါ​ဟု​ရိမ်​တုဲ လ​မောၚ်​ပြေ​အိုတ်​ရ။

၁၅အ​ၜ​သှ​လောမ်​ကဵု​မၞိဟ်​အိုတ်​သီု​တံ​ဝွံ စိုပ်​ပ္ဍဲ​ဍုၚ်​ယေ​ရု​သှ​လေမ်​တုဲ၊ အ​ဟိ​ထဝ်​ဖေ​လ​လေ​ပါ​ရ။ ၁၆သ​ဟာဲ​ဍာ​ဝိဒ်​မၞိဟ်​အာ​ခိ​ဟု​သှာဲ​ဝွံ​လေ စိုပ်​ကၠုၚ်​ပ္ဍဲ​ထာန်​အ​ၜ​သှ​လောမ်​တုဲ၊ လ​မျီု​ဨ​က​ရာတ်​ကဵု​ဂျိုၚ်​ညိ။ လ​မျီု​ဨ​က​ရာတ်​ကဵု​ဂျိုၚ်​ညိ သာ်​ဝွံ ကဵု​ပ​သေက်​ပ​သဝ်​ရ။ ၁၇အ​ၜ​သှ​လောမ်​ဂှ်​လေ၊ ပ္ဍဲ​သ​ဟာဲ​မၞး​ဂှ် ပ​ဂုန် သာ်​ဝွံ​ဟာ။ မူ​ဟိုတ်​ဟွံ​ဗက်​က​ရောံ​သ​ဟာဲ​မၞး​ရော သာ်​ဝွံ ဟီု​ကဵု​ဟု​သှာဲ​မ္ဂး၊ ၁၈ဟု​သှာဲ​ဂှ်​လေ ဟီု​ပၟိၚ်​သာ်​ဂှ်​ညိ။ မ​ပ​တံ​ကဵု​ကျာ်​ထာ​ဝ​ရ​တုဲ မၞိဟ်​ဂ​မၠိုၚ်​ကဵု​မၞိဟ်​ဣ​သ​ရေ​လ​ဂ​မၠိုၚ်​အိုတ်​သီု​တံ​ဝွံ ပ္ဍဲ​ထာန်​ညး​မ​ရုဲ​ကံက်​ဂှ် အဲ​ဍိက်​ဒုၚ်​ဍိက်​ရောၚ်။ မံၚ်​ပ္ဍဲ​ထာန်​ညး​ဂှ်​ရောၚ် သာ်​ဂှ်​လေ​ကီု၊ ၁၉မွဲ​ဝါ​ပၠန်၊ ယြဴ​ပ္ဍဲ​ထာန်​ညး​မွဲ​ဂှ် ဒး​ဒုၚ်​ဍိက်​ရ။ ဂွံ​ဒုၚ်​ဍိက်​ပ္ဍဲ​ထာန်​ညး​တေံ​ဂှ် ဟွံ​သေၚ်​ဟာ။ အဲ​ဍိက်​ဝွံ ညံၚ်​နဲ​မ​ဂွံ​ဒုၚ်​ဍိက်​ပ္ဍဲ​ထာန်​မ​အံက်။ ပ္ဍဲ​ထာန်​တဳ​လ​ဂုန်​ဂှ်​လေ ဒုၚ်​ဍိက်​ရောၚ် သာ်​ဂှ်​လေ​ကီု၊ ဟီု​ပ္တီ​ကဵု​အ​ၜ​သှ​လောမ်​ရ။ ၂၀-၂၁အ​ၜ​သှ​လောမ်​ဂှ်​လေ၊ ပိုဲ​ဍိက်​တံ​ဝွံ ပ​သာ်​မ​ဒး​ပ​ဂှ် ကဵု​က​သပ်​ညိ သာ်​ဝွံ ဟီု​ကဵု​အ​ဟိ​ထဝ်​ဖေ​လ​မ္ဂး၊ အ​ဟိ​ဖေ​လ​ဝွံ တၞံ​န​မၚ်​နန်​ဂှ် လုပ်​အာ​ပ္ဍဲ​က​မၠောန်​မှောၚ်​မ​မ​အံက်​မ​စွံ​လဝ်​ဂှ်​ညိ။ မ​အံက်​ဝွံ ဒ​ဒှ်​မ​က္ဍုဟ်​မၠေံ​တဳ​လ​ဂုန်​ဂှ် ကောန်​ဂ​ကူ​ဣ​သ​ရေ​လ​အိုတ်​သီု​တံ​ဝွံ မိၚ်​တုဲ၊ ညး​မ​မံၚ်​ပ္ဍဲ​လ္ပာ်​တဳ​လ​ဂုန်​အိုတ်​သီု​တံ​ဝွံ တဲ​ဇၞော်​ကဵု​ဒြ​ဟတ် အိုတ်​ရောၚ် သာ်​ဝွံ အ​တိုၚ်​မ​ဟီု​ပ္တီ​ဂှ်၊ ၂၂ပ္ဍဲ​လ​တူ​နန် သွက်​အ​ၜ​သှ​လောမ်​ဂှ် က​မဳ​လှ​ဖ​ဍါန်​တုဲ၊ ညး​ဝွံ ပ္ဍဲ​ဂ​တ​ကောန်​ဂ​ကူ​ဣ​သ​ရေ​လ​တံ​ဂှ်၊ လုပ်​အာ​ပ္ဍဲ​ဒၞာဲ​က​မၠောန်​ပံၚ်​မ​ဨ​က​ရာတ်​မ​နွံ​ဂှ်​ရ။ ၂၃ပ္ဍဲ​ကာ​လ​ဂှ် က​သပ်​အ​ဟိ​ထဝ်​ဖေ​လ​ဂှ်၊ သၟာန်​ပ္တီ​ပ္ဍဲ​ဇ​ရေၚ်​ကျာ်​ဂ​မျိုၚ်​တုဲ ဒှ်​ညံၚ်​ကဵု​ပ​ယျး​ဒိုဟ်​မ​ဂွံ​ဒုၚ်​ရ။ ဆ​ညး​မ​ကဵု​က​သပ်​ဂှ် ဍာ​ဝိဒ်​ကဵု​အ​ၜ​သှ​လောမ်​ဝွံ သ​မ္တီ​ညံၚ်​နဲ​ပ​ယျး​ဒိုဟ်​ရ။