ဝ​တ္ထု​က​လုတ် ၁၅

၁နူ​ကဵု​ရး​ယု​ဍ​ဂှ် ညး​လ္ၚဵု​ကၠုၚ်​စိုပ်​ဍုၚ်​အာ​န္တိ​အုက်​တုဲ မၞး​တံ​ဝွံ အ​တိုၚ်​ဓဝ်​မဝ်​သေဝ်​ဂှ် ဟွံ​ဒုၚ်​မၚ်္ဂ​လ​ရေက်​တ​ဏုၚ်​သၞာံ​မ္ဂး စိုပ်​ဒ​ဒှ်​မ​ဟံၚ်​ပြာ်​ဟွံ​မာန် သာ်​ဝွံ ပ္ဍဲ​ကော​ဒေံ​တံ​ဂှ် ကဵု​လၟေတ်​ဩ​ဝါ​ဒ​အိုတ်​ရ။ ၂ကောံ​ကု​ညး​တံ​ဂှ် ပဝ်​လု​ကဵု​ၜါ​န​ၜ​တံ​ဝွံ ကာ​မ​က​ယျာန်​ဓ​ဝါတ်​ဂၠိုၚ်​တုဲ ပဝ်​လု​ကဵု​ၜါ​န​ၜ​ကောံ​ကု​တွး​ကျာ်​တၞဟ်​သ္အာၚ်​ညး​လ္ၚဵု​တံ​ဝွံ ဟိုတ်​နူ​ကဵု​သၟာန်​ဂှ် ပ္ဍဲ​ဍုၚ်​ယေ​ရု​သ​လေၚ်​ဇ​ရေၚ်​က​လုတ်​ကဵု​ဇ​မၞော်​သၚ်​ဂ​မၠိုၚ်​တံ​ဂှ် ဒ​ဒှ်​သၟိက်​ဂွံ​ကဵု​အာ​တုဲ စဳ​ရေၚ်​အိုတ်​ရ။ ၃တွး​ကျာ်​တံ​ဝွံ ပ​လံၚ်​ဏာ​ညး​တံ​ဂှ် ပ္ဍဲ​ဂၠံၚ်​အိုတ်​မ္ဂး ပဝ်​လု​ကဵု​ၜါ​န​ၜ​တံ​ဝွံ ရး​ဖိ​နိက်​ကဵု​ရး​သ​မာ​ရိ​ဂှ် သ​ဍောန်​အာ​တုဲ ဒ​တိတ်​ဒ​ဒှ်​ဂ​ကူ​ဝေါၚ်​သ​ညး​တၞဟ်​သ္အာၚ်​မ​ပြံၚ်​လှာဲ​ဂှ် ဟီု​ထ​ၜး​မ္ဂး ကဵု​ကော​ဒေံ​တံ​ဒှ်​တဴ​အိုဟ်​တၟိုဟ်​ဗွဲ​မ​လောန်​အိုတ်​ရ။ ၄စိုပ်​ဍုၚ်​ယေ​ရု​သ​လေၚ်​တုဲ မ​ပ္တံ​ကဵု​က​လုတ်​တံ​ဂှ်​တုဲ ဇ​မၞော်​သၚ်​ကဵု​တွး​ကျာ်​ဂ​မၠိုၚ်​တံ​ဝွံ ဒုၚ်​တဲ​တုဲ န​ကဵု​ဇ​ကု​ဆ​ကျာ်​မ​ပ​တံ​ဂှ် က​လေၚ်​ဟီု​အိုတ်​ရ။

၅အ​ပ္ဍဲ​မၞိဟ်​ဖာ​ရိ​သေဝ်​ညး​မ​ပ္တေဟ်​လ္ၚဵု​တံ​ဝွံ က္တဵု​တုဲ ပ္ဍဲ​ကဵု​ဂ​ကူ​ဝေါၚ်​သ​ညး​တၞဟ်​သ္အာၚ်​တံ​ဂှ် ဒး​ကဵု​မၚ်္ဂ​လ​ရေက်​တ​ဏုၚ်​သၞာံ​ရောၚ်။ သၟိက်​ဂွံ​ကဵု​ဒ္ဂေတ်​ဓဝ်​မဝ်​သေဝ်​တုဲု ဒး​ကဵု​လၟေတ်​ဩ​ဝါ​ဒ​ရောၚ် သာ်​ဝွံ ဟီု​အိုတ်​ရ။ ၆ပ္ဍဲ​ကာ​လ​ဂှ် က​လုတ်​ကဵု​ဇ​မၞော်​သၚ်​တံ​ဝွံ ညံၚ်​ဂွံ​ရံၚ်​စံၚ်​ဒ​တိတ်​ဒ​ဒှ်​တေံ​ဂှ် ပ္ကောံ​ဒ​ရီု​ရၚ်​သ္ကံ​အိုတ်​ရ။ ၇ပ္ဍဲ​မ​ချပ်​ဂ​နန်​က​ယျာန်​ဓ​ဝါတ်​ဗွဲ​မ​ဂၠိုၚ်​ဂှ် ပေ​တ​ရု​က္တဵု​တုဲ ကော​ဒေံ​တံ။ ပ္ဍဲ​ကိုပ်​ကၠာ​ဂှ် ကျာ်​ဂ​မျိုၚ်​ဝွံ ရုဲ​ကံက်​ပ္ဍဲ​အဲ​ညး​တုဲ န​ကဵု​ပါၚ်​အဲ​ဂှ် ဂ​ကူ​ဝေါၚ်​သ​ညး​တၞဟ်​သ္အာၚ်​တံ​ဝွံ ဂွံ​မိၚ်​တွဟ်​ဓဝ်​ဨ​ဝံၚ်​ဂေ​လိ​တုဲ ဒ​ဒှ်​မ​ပ္တေဟ်​ဂှ် မၞး​တံ​တီ​အိုတ်​ရ။ ၈ကျာ်​မ​တီ​ကောန်​စိုတ်​ဂှ် ညံၚ်​နဲ​မ​ကဵု​ဝိ​ညာန်​မ​သ္အး​ဇ္ၚး​ပ္ဍဲ​အဲ​ညး​ကဵု​ပ္ဍဲ​ညး​တံ​ဂှ်​ဒှ်တုဲ ဒုၚ်​သက်​သဳ​ပ္ဍဲ​လ္ပာ်​ညး​တံ​ဂှ်​ရ။ ၉န​ကဵု​မ​ပ္တေဟ်​ဂှ်​လေ ကဵု​စိုတ်​ညး​တံ​သ္အး​ဇ္ၚး​တုဲ ပ္ဍဲ​ပိုဲ​ကဵု​ညး​တံ​ဂှ် ကျာ်​ဟွံ​ကဵု​တၞဟ်​တၟေၚ်။ ၁၀ဒှ်​သာ်​ဂှ်​တုဲ က​မး​ဇု​ဇ​ဗဴ​လ​ပိုဲ​ညး​ကဵု​ပိုဲ​ညး​ယိုက်​ဟွံ​မာန်​န​ကဵု​မ​ပ္တိုန်​ပ္ဍဲ​လ​တူ​ကံ​တွး​ကျာ်​တံ​ဂှ် မူ​ဟိုတ်​သၟိက်​ဂွံ​စံ​ၜတ်​ကျာ်​အိုတ်​ရော။ ၁၁န​ကဵု​ဂုန်​နာဲ​ညး​ယေ​သှု​ခ​ရေတ်​ဂှ် ညး​တံ​ဝွံ ညံၚ်​နဲ​မ​စိုပ်​ဒ​ဒှ်​မ​ဟံၚ်​ပြာ်​ဂှ် ပိုဲ​ညး​တံ​ဂှ်​လေ ဒ​ဒှ်​မ​စိုပ်​ကီု​ဂှ် ပိုဲ​ညး​ပ္တေဟ်​အိုတ်​ရ သာ်​ဝွံ ပေ​တ​ရု​မ​ဟီု​ရ။ ၁၂ပ္ဍဲ​ကာ​လ​ဂှ် ၜါ​န​ၜ​ကဵု​ပဝ်​လု​တံ​ဝွံ န​ကဵု​ဇ​ကု​တံ​ဂှ် ပ္ဍဲ​ဂ​ကူ​ဝေါၚ်​သ​တၞဟ်​သ္အာၚ်​နိ​မိတ်​လက်​သန်​ပွ​မ​ဒှ်​တဴ​အံ​သဝ်​ဆ​ကျာ်​ဂ​မျိုၚ်​မ​ပ​ဂှ် ဟီု​ပၟိၚ်​မ္ဂး မၞိဟ်​မ​ကောံ​ဒ​ရီု​အိုတ်​သီု​တံ​ဝွံ မံၚ်​ကၞပ်​ကၞပ်​တုဲ က​လၚ်​အိုတ်​ရ။

၁၃ညး​တံ​ဝွံ ကၞပ်​တုဲ ယျာ​ကုက်​ဂှ်​လေ ကော​ဒေံ​တံ။ က​လၚ်​ဂ​လာန်​အဲ​အိုတ်​ညိ။ ၁၄ကျာ်​ဂ​မျိုၚ်​ဝွံ သွက်နာဲမဇကုနူအပ္ဍဲဂကူဝေါၚ်သညးတၞဟ်သ္အာၚ် ညးလ္ၚဵုတံဂှ် သွက်​ဂွံ​နုက်​ကေတ်​တုဲ။ ပ္ဍဲ​ကိုပ်​ကၠာ​ဒ​တိတ်​ဒ​ဒှ်​ကျာ်​မ​က္ည​ကၠုၚ်​ရံၚ်​စံၚ်​ဂ​ကူ​ဝေါၚ်​သ​တၞဟ်​သ္အာၚ်​တံ​ဂှ် သိ​မောန်​ဝွံ ဟီု​လဝ်​တုဲ​ရ။ ၁၅ဒ​တိတ်​ဒ​ဒှ်​ဝွံ​ဂှ် သၟဟ်​ကဵု​ဂ​လာန်​ပ​ရော​ဗက်​တံ​ဂှ်​ရ။ ၁၆-၁၇ကၠုၚ်​ပ္ဍဲ​သၠ​ပတ်​မ္ဂး​ဂှ်။ မၞိဟ်​မ​သိဟ်​ဒၟံၚ်​တံ​ဂှ်​လေ​ကီု။ ဂ​ကူ​ညး​တၞဟ်​သ္အာၚ်​အိုတ်​သီု​တံ​ဂှ်​လေ​ကီု။ ဆ​မၞိဟ်​မ​သ​မုတ်​န​ကဵု​နာ​မ​အဲ​ညံၚ်​ဂွံ​ဂၠာဲ​ကျာ်​ထာ​ဝ​ရ​ဂှ် ကြဴ​ဝွံ​အဲ​က​လေၚ်​တုဲ တာဲ​ဍာ​ဝိက်​မ​ဒောံ​ဒၟံၚ်​ဂှ် အဲ​သြိုၚ်​ပ္တန်​ပၠန်​ရောၚ်။ အ​ရာ​မ​လီု​လာ်​တံ​ဂှ် ပြု​ပြေၚ်​တုဲ တာဲ​တေံ​ဂှ် အဲ​ပ္တဴ​ပၠန်​ရောၚ် သာ်​ဝွံ ပ​ယျး​ဒိုဟ်​ကျာ်​ထာ​ဝ​ရ​မ​ပ္တုဲ​ကေ​စ္စ​ဝွံ အိုတ်​သီု​တံ​ဂှ် မ​နွံ​ရ။ ၁၈ကျာ်​ဂ​မျိုၚ်​ဝွံ ဆ​အ​ရာ​ဇ​ကု​မ​စဳ​ရေၚ်​အိုတ်​သီု​နူ​တံ​ပ​ထ​မ​ကဝ်​တေံ​ဂှ် တီ​တဴ​ရ။ ၁၉ဟိုတ်​ဂှ်​ရ အ​ပ္ဍဲ​ဂ​ကူ​ဝေါၚ်​သ​တၞဟ်​သ္အာၚ်​ညး​မ​ပြံၚ်​လှာဲ​ပ္ဍဲ​ဇ​ရေၚ်​ကျာ်​ဂ​မျိုၚ်​တံ​ဂှ် ဟွံ​ကၞုက်​ကၞာဲ​တုဲ။ ၂၀အ​ရာ​ကၠိ​ပပ်​မ​ဆေၚ်​ကဵု​ပ​တ္တိ​မာ​ရုပ်​တံ​ဂှ်​လေ​ကီု။ မေ​ထုန်​ဟွံ​မွဲ​ကဵု​ဗ​ဗွဲ​ဓဝ်​ဂှ်​လေ​ကီု။ ပတ်​ကံ​တုဲ အ​ရာ​မ​ဂ​စိုတ်​တံ​ဂှ်​လေ​ကီု။ ဆီ​ဂှ်​လေ​ကီု​သၟိက်​ဂွံ​ကဵု​ပါဲ​ဝေၚ်​တုဲ ဂပ်​ဂေါဝ်​ဗ္ကန်​ဏာ​ကဵု​ညး​တံ​ဂှ်​ရောၚ် သာ်​ဝွံ စိုတ်​အဲ​မ​နွံ​ရ။ ၂၁ဟိုတ်​မ္ဂး​ဂှ်။ သၠ​ပတ်​ပ​ည​တ္တိ​မဝ်​သေဝ်​ဝွံ အ​ပ္ဍဲ​ဇြပ်​ဓဝ်​ရိုဟ်​ဒ​ဒှ်​တ္ၚဲ​သဳ​ဂှ် ဗဟ်​တုဲ ဓဝ်​မဝ်​သေဝ်​ဝွံ နူ​ကာ​လ​ကၠာ​တေံ​ပ္ဍဲ​ဇၟာပ်​ဍုၚ်​တံ​ဂှ်​လေပ်​ဟီု​တွံ​ရောၚ် သာ်​ဝွံ ယျာ​ကုက်​မ​ဟီု​ရ။

၂၂ပ္ဍဲ​ကာ​လ​ဂှ် က​လုတ်​တံ​ဂှ်​လေ​ကီု။ ဇ​မၞော်​သၚ်​တံ​ဂှ်​လေ​ကီု။ သၚ်​တွး​သီု​ဖ​အိုတ်​တံ​ဂှ်​လေ​ကီု။ ဖျေံ​စိုတ်​တုဲ မၞိဟ်​မ​ပြာ​ကတ်​အ​ပ္ဍဲ​ကော​ဒေံ​ဂ​မၠိုၚ်​မ​ကော်​ခဴ​ယု​ဍ​ၜါ​သ​ၜ​ကဵု​သိ​လ​တံ​ဂှ် ရုဲ​ကံက်​နူ​အ​ပ္ဍဲ​ဇ​ကု​တုဲ ကောံ​ကု​ပဝ်​လု​ကဵု​ၜါ​န​ၜ​မွဲ​စွံ​ဂှ် စ​ကာ​ဗ​လး​ဏာ​ပ္ဍဲ​ဍုၚ်​အာ​န္တိ​အုက်​အိုတ်​ရ။ ၂၃လိက်​မ​ကဵု​ဏာ​ပ္ဍဲ​တဲ​ညး​တံ​မ္ဂး​ဂှ်။ က​လုတ်​ကဵု​ညး​ဇ​မၞော်​တံ​ဂှ်​လေ​ကီု​ကော​ဒေံ​ဂ​မၠိုၚ်​တံ​ဂှ်​လေ​ကီု။ ပ္ဍဲ​ကော​ဒေံ​ညး​မ​ဒှ်​ဂ​ကူ​ဝေါၚ်​သ​တၞဟ်​သ္အာၚ်​ဆ​ညး​မ​မံၚ်​ပ္ဍဲ​ဍုၚ်​အာ​န္တိ​အုက်​တံ​ဂှ်​လေ​ကီု။ ညး​မ​မံၚ်​ပ္ဍဲ​ရး​သု​ရိ​ကဵု​ရး​ကိ​လိ​ကိ​တံ​ဂှ်​လေ​ကီု​ပၟိၚ်​ဏာ​မ္ဂး​ဂှ်။ ဂုန်​က​ရုတ်​ဏာ​ဂှ် ကဵု​တန်​ပ္ဍဲ​မၞး​တံ​အိုတ်​ညိ။ ၂၄မၞိဟ်​လ္ၚဵု​တံ​ဝွံ အ​ခေါၚ်​ပိုဲ​ညး​ဟွံ​မွဲ​တုဲ တိတ်​အာ​နူ​ဇ​ရေၚ်​ပိုဲ​ညး​မ္ဂး။ မၞး​တံ​ဝွံ ဒ​ဒှ်​မ​ရေက်​တ​ဏုၚ်​သၞာံ​ဂှ် ဒး​ဒုၚ်​ရောၚ်။ ၂၅ဓဝ်​ပ​ညပ်​ဂှ် ဒး​ဒ္ဂေတ်​ရောၚ်။ န​ကဵု​ဂ​လာန် သာ်​ဝွံ ဒ​ဒှ်​မ​ပ​လီု​စိုတ်​မၞး​တံ​ဂှ် ပိုဲ​ညး​ဂွံ​မိၚ်​တုဲ ကောံ​ကု​မၞိဟ်​ဇြ​ဟာန်​ပိုဲ​ညး​ၜါ​န​ၜ​ကဵု​ပဝ်​လု​မွဲ​စွံ​ညံၚ်​ဂွံ​စ​ကာ​ဗ​လး​ဏာ​ပ္ဍဲ​ဇ​ရေၚ်​မၞး​တံ​ဂှ် ပိုဲ​ညး​တုပ်​စိုတ်​တုဲ​ရုဲ​ကံက်​မၞိဟ်​အိုတ်​ရ။ ၂၆ၜါ​န​ၜ​ကဵု​ပဝ်​လု​တံ​ဝွံ ဟိုတ်​နူ​ကဵု​နာ​မ​နာဲ​ပိုဲ​ယေ​သှု​ခ​ရေတ်​ဂှ် ဟွံ​ဂိုဟ်​လ​မျီု​ဇ​ကု​ရ။ ၂၇ဟိုတ်​ဂှ်​ရ မၞိဟ်​ပိုဲ​မ​စ​ကာ​ယု​ဍ​ကဵု​သိ​လ​တံ​ဝွံ တေံ​ဒ​တိတ်​ဒ​ဒှ်​ဂှ် ဟီု​ကဵု​မၞး​တံ​န​ကဵု​ပါၚ်​ရောၚ်။ ၂၈အ​ရာ​မ​ပူ​ဇဴ​ဂ​တ​ပ​တ္တိ​မာ​ရုပ်​ဂှ်​လေ​ကီု။ ဆီ​ဂှ်​လေ​ကီု။ ၂၉ပတ်​ကံ​တုဲ အ​ရာ​မ​ဂ​စိုတ်​လေ​ကီု။ မေ​ထုန်​ဟွံ​မွဲ​ကဵု​ဗ​ဗွဲ​ဓဝ်​ဂှ်​လေ​ကီု​ဒး​ပါဲ​ဝေၚ်​ရောၚ်။ ဝေၚ်​နူ​ပ​ညပ် သာ်​ဝွံ ဒ​လေၚ်​တၞဟ်​သ္အာၚ်​ဂှ် သၟိက်​ဂွံ​ပ​တိုန်​လ​တူ​မၞး​တံ​တုဲ ပၟိက်​ဝိ​ညာန်​မ​သ္အး​ဇ္ၚး​ကဵု​ပၟိက်​အဲ​ညး​ဟွံ​မွဲ။ တေံ​အ​ရာ​တံ​ဂှ် ဂပ်​ဂေါဝ်​ဒး​ပါဲ​ဝေၚ်​ရောၚ်။ ဒ​ဒှ်​မ​လ​လံ​သွာ​ဂှ် ကဵု​ဒှ်​ပ္ဍဲ​မၞး​တံ​ညိ သာ်​ဝွံ မ​ချူ​ဏာ​အိုတ်​ရ။

၃၀ညး​တံ​ဝွံ အ​ခေါၚ်​ဒ​ဒှ်​မ​အာ​ဂှ် ဂွံ​တုဲ အာ​ပ္ဍဲ​ဍုၚ်​အာ​န္တိ​အုက်​မ္ဂး မၞိဟ်​ဂ​မၠိုၚ်​တံ​ဝွံ ကဵု​ပ္ကောံ​ဒ​ရီု​တုဲ လိက်​ဗ္စန်​ဂှ် ပ္အပ်​ကဵု​အိုတ်​ရ။ ၃၁ကာ​လ​မ​ဗဟ်​လိက်​ဗ္စန်​ဂှ်​တုဲ ဟိုတ်​နူ​ကဵု​မ​လ​လံ​သွာ​ဂှ် စိုတ်​ဒ​ဒှ်​မ​အိုဟ်​တၟိုဟ်​အိုတ်​ရ။ ၃၂ယု​ဍ​ကဵု​သိ​လ​တံ​ဝွံ ဟိုတ်​မ​ဒှ်​ပ​ရော​ဗက်​တုဲ န​ကဵု​ဂ​လာန်​ဗွဲ​မ​ဂၠိုၚ်​ဂှ် ဒ​လောံ​ဗ္တောန်​ကော​ဒေံ​တံ​ဂှ်​တုဲ ကဵု​ဗိုန်​ဇၟံ​ခိုၚ်​ကၠိုက်​အိုတ်​ရ။ ၃၃ညး​တံ​ဂှ်​လေ ဒၟံၚ်​ဗွဲ​မ​လံ​တုဲ ပ္ဍဲ​ဇ​ရေၚ်​က​လုတ်​တံ​ဝွံ ညံၚ်​ဂွံ​က​လေၚ်​သီု​မ​လ​လံ​သွာ​ဂှ် ကော​ဒေံ​တံ​ဝွံ ဗ​လး​ဏာ​အိုတ်​ရ။ ၃၄ၜိုန်​ဂှ်​လေ သိ​လ​ဝွံ နွံ​ပၟိက်​တုဲ ဒၟံၚ်​ကေတ်​ဏီ​ရ။ ၃၅ပဝ်​လု​ကဵု​ၜါ​န​ၜ​တံ​ဂှ်​လေ ဒၟံၚ်​တဴ​ပ္ဍဲ​ဍုၚ်​အာ​န္တိ​အုက်​မ္ဂး ကောံ​ကု​ညး​တၞဟ်​သ္အာၚ်​မွဲ​စွံ​ဂှ် ကဵု​လၟေတ်​ဩ​ဝါ​ဒ​တုဲ ဓဝ်​ဨ​ဝံၚ်​ဂေ​လိ​တွဟ်​ပါၚ်​ကျာ်​ဂ​မျိုၚ်​ဂှ် ဟီု​တွံ​အိုတ်​ရ။ ၃၆ကာ​လ​လံ​အာ​ညိ​တုဲ ပဝ်​လု​ဝွံ ပ္ဍဲ​ဍုၚ်​အဲ​ညး​မ​ကေၚ်​ဟီု​တွံ​ဓဝ်​တွဟ်​ပါၚ်​ကျာ်​ဂ​မျိုၚ်​ဂှ် က​လေၚ်​အာ​တုဲ ကော​ဒေံ​တံ​ဝွံ ပ​သာ်​မ​ဒှ်​ဂှ် ရံၚ်​စံၚ်​အိုတ်​စိုအ် သာ်​ဝွံ ဟီု​ကဵု​ၜါ​န​ၜ​ရ။ ၃၇ၜါ​န​ၜ​ဝွံ ယဝ်​ဟာန်​မ​ကော်​ခဴ​မာ​ကု​ဂှ် သၟိက်​ဂွံ​ကော်​တုဲ မ​နွံ​က​သပ်​ရ။ ၃၈ပဝ်​လု​ဂှ်​လေ ပ္ဍဲ​ရး​ပါံ​ဖု​လိ​သ္ဍး​နူ​ကဵု​ညး​တံ​ဂှ်​တုဲ ပ္ဍဲ​ဇ​ရေၚ်​မ​ပ္တုဲ​ကေ​စ္စ​ဟွံ​ဗက်​အာ​မၞိဟ်​တေံ​ဂှ် ဟွံ​ဂပ်​ဂေါဝ်​ကော် သာ်​ဝွံ မ​နွံ​စိုတ်​ရ။ ၃၉ဟိုတ်​နူ​ဒ​တိတ်​ဒ​ဒှ်​သာ်​ဂှ် ဇ​ကု​ကဵု​ဇ​ကု​ဟွံ​အပ်​ဒပ်​တုဲ အာ​တဴ​တၞဟ်​တၞဟ်​ရ။ ၜါ​န​ၜ​ဝွံ ကော်​မာ​ကု​တုဲ လှောၚ်​အာ​ပ္ဍဲ​လ္ကံ​ကု​ပ​ရု​ပၠန်​ရ။ ၄၀ကောံ​ဒေံ​တံ​ဝွံ ပ္ဍဲ​ဂုန်​ကျာ်​ဂ​မျိုၚ်​ဂှ် ပ္အပ်​ပဝ်​လု​အိုတ်​တုဲ ညး​ဝွံ ရုဲ​စှ်​သိ​လ​မ္ဂး တိတ်​အာ​တုဲ ၄၁ပ္ဍဲ​ရး​သု​ရိ ကဵု​ရး​ကိ​လိ​ကိ​ဂှ် သ​ဍောန်​အာ​မ္ဂး သၚ်​တွး​ဂ​မၠိုၚ်​တံ​ဂှ် ကဵု​တန်​တြန်​ဗိုန်​ဇၟံ​ရ။