သၠ​ပတ်​အ​နာ​ဂ​တ္တိ​ယေ​ဇ​ကျေ​လ ၁၀

၁မွဲ​ဝါ​ပၠန်​အဲ​ရံၚ်​မွဲ​တုဲ၊ ပ္ဍဲ​လ​တူ​က္ဍိုပ်​ခေ​ရု​ၜီ​ပ္ဍဲ​ဂၠး​အ​ကာ​သ​ညံၚ်​နဲ​မတ်​တၟံ​နဳ​လာ၊ အ​ရံၚ်​ဗီု​ရာ​ဇာ​ပၞၚ်​ဝွံ ပြာ​ကတ်​ရ။ ၂ပ္ဍဲ​ညး​မ​ဗိုက်​ယာတ်​ပိတ်​ခၟိဟ်​ဂှ်​လေ၊ ပ္ဍဲ​အ​ကြာ​ခ​လှာ​ကွဳ​လုပ်​ပ္ဍဲ​သၟဝ်​ခေ​ရု​ၜီ​ရ။ လ္ၚ​ပၟတ်​မ​နွံ ပ္ဍဲ​အ​ကြာ​ခေ​ရု​ၜီ​တံ​ဂှ် အုဲ​ကေတ်​ကဵု​တဲ​ၜါ​လ္ပာ်​တုဲ​မ္ဂး၊ ပ​ရး​ပ္ဍဲ​လ​တူ​ဍုၚ်​ရ သာ်​ဝွံ အ​တိုၚ်​မ​ဟီု​ပၟိၚ်​ဂှ်၊ တေံ​ညး​ဝွံ အာ​ပ္ဍဲ​ဂ​တ​မုက်​အဲ​ရ။ ၃ကာ​လ​မ​လုပ်​ခေ​ရု​ၜီ​တံ​ဝွံ ဒ​တဴ​ပ္ဍဲ​လ္ပာ်​တဲ​သ္တုံ​သ္ၚိ​ကျာ်​တုဲ၊ ကၟာၚ်​အ​ပ္ဍဲ​ဝွံ ဍိုက်​ပေၚ်​ကဵု​မတ်​ဗြဲ​ရ။ ၄တြဳ​ဇှ်​ကျာ်​ထာ​ဝ​ရ​ဝွံ နူ​လ​တူ​ခေ​ရု​ၜီ​ပ္ဍဲ​လ​တူ ဒ​မုၚ်​တ​ရၚ်​သ္ၚိ​ကျာ်​တိုန်​ပ​ဆုဲ​တုဲ၊ သ္ၚိ​ကျာ်​ဝွံ ဍိုက်​ပေၚ်​ကဵု​မတ်​ဗြဲ​ရ။ ကၟာၚ်​ဂှ်​လေ ဍိုက်​ပေၚ် ကဵု​အ​ရံၚ်​တြဳ​ဇှ် ကျာ်​ထာ​ဝ​ရ​ရ။ ၅ညံၚ်​နဲ​ရ​မျှာၚ်​ကျာ်​ဂ​မျိုၚ်​တ​လ​တြဳ​ဇှ် အ​န​န္တ​မ​ဟီု​ပၟိၚ်​ဂှ် ဂွံ​မိၚ်​ရ​မျှာၚ်​သၞေၚ် ခေ​ရု​ၜီ​တံ​ဂှ်​ရ။ ၆ပ္ဍဲ​ကဵု​ညး​မ​ဗိုက်​လ​တက်​ယာတ်​ပိတ်​ခၟိဟ်​ဂှ်​လေ၊ ပၟတ်​ဂှ် ကေတ်​နူ​အ​ကြာ​ကွဳ​ဂှ်​ရ သာ်​ဝွံ ကာ​လ​မ​ဟီု​ပၟိၚ်​ဂှ်၊ တေံ​ညး​ဝွံ လုပ်​တုဲ ဒ​တဴ​ဒၟံၚ်​က​ရပ်​ခ​လှာ​ကွဳ​ရ။ ၇ခေ​ရု​ၜီ​မွဲ​ဇ​ကု​ဝွံ ပၠး​တဲ​နူ​ဂ​ကောံ​ခေ​ရု​ၜီ​ဂှ်​တုဲ၊ ကေတ်​ပၟတ်​မ​နွံ​ပ္ဍဲ​အ​ကြာ​ခေ​ရု​ၜီ​ဂှ်​တုဲ​မ္ဂး၊ စုတ်​ပ္ဍဲ​တဲ​ညး​မ​ဗိုက်​လ​တက် ယာတ်​ပိတ်​ခၟိဟ်​ရ။ တေံ​ညး​ဝွံ​လေ ဒုၚ်​ကေတ်​တုဲ တိတ်​အာ​ရ။ ၈ပ္ဍဲ​သၟဝ်​သၞေၚ်​ခေ​ရု​ၜီ​တဲ​မၞိဟ်​ဂှ်​လေ အဲ​ညာတ်​ရ။

၉အဲ​ရံၚ်​မွဲ​တုဲ၊ ပ္ဍဲ​ဇ​ရေၚ်​ခေ​ရု​ၜီ​တံ​ဂှ် ကွဳ​နွံ​ညး​မွဲ​မွဲ​ရ။ ခ​လှာ​ကွဳ​တံ​ဂှ် နွံ​အ​ရံၚ်​မတ်​ထ​မ္အး​ရ။ ၁၀ခ​လှာ​ကွဳ​ပန်​တံ​ဝွံ နွံ​ဗီု​ပြၚ်​တုပ်​သၟဟ်​တုဲ၊ ပ္ဍဲ​ခ​လှာ​ကွဳ​မွဲ​ညံၚ်​နဲ​မ​ထပ်​ခ​လှာ​ကွဳ​မွဲ​ဂှ် မ​နွံ​အိုတ်​ရ။ ၁၁ကာ​လ​မ​အာ​ခ​လှာ​ကွဳ​ပန်​ဒိုဟ်​တုပ်​သၟဟ်​တုဲ၊ ဟွံ​ဂေတ်​မ​လေပ် အာ​အိုတ်​ရ။ ပ္ဍဲ​လ္ပာ်​က္ဍိုပ်​မ​ပ​မု​က္ခ​ဝါ​ဂှ် ဗက်​တုဲ ဟွံ​ဂေတ်​အာ​အိုတ်​ရ။ ၁၂ခေ​ရု​ၜီ​ပန်​ဇ​ကု​တံ​ဝွံ သီု​ကဵု​ကွဳ​ပန်​ဒိုဟ်​မွဲ​စွံ စး၊ တဲ​မ​ပ္တံ​ကဵု​သၞေၚ်​တုဲ ပ္ဍဲ​အ​လုံ​မွဲ​ဇ​ကု​ဍိုက်​ပေၚ်​ကဵု​မတ်​အိုတ်​ရ။ ၁၃တေံ​ကွဳ​တံ​ဂှ် စ​ကြာ​မ​တွံ​ဂး​ယၟု​ဂှ် ဒ​ဒှ်​မ​ကော်​ဂှ် အဲ​မိၚ်​ရ။ ၁၄ခေ​ရု​ၜီ​တံ​ဝွံ နွံ​မု​က္ခ​ဝါ​ပန်​တုဲ၊ မု​က္ခ​ဝါ​ပ​ထ​မ​ဝွံ မု​က္ခ​ဝါ​ခေ​ရု​ၜီ၊ မု​က္ခ​ဝါ​ဒု​တိ​ယ​ဝွံ မု​က္ခ​ဝါ​မၞိဟ်၊ မု​က္ခ​ဝါ​တ​တိ​ယ​ဝွံ မု​က္ခ​ဝါ​ဇာ​ဒိ​သိုၚ်၊ မု​က္ခ​ဝါ​စ​တု​တ္ထ​ဝွံ ဒှ်​မု​က္ခ​ဝါ​ဟဝ်​ကၠိုၚ်​ရ။ ၁၅တေံ​ခေ​ရု​ၜီ​တံ​ဝွံ က္ည​တိုန်​ဒၟံၚ်​အိုတ်​ရ။ ဣ​ၚုဟ်​မ္ဂး​ဂှ်၊ သ​တ္တံ​အဲ​မ​ကေၚ်​ညာတ် ပ္ဍဲ​ဇ​ရေၚ်​ၜဳ​ခေ​ၜါ​ရောၚ်။ ၁၆ကာ​လ​ခေ​ရု​ၜီ​တံ​မ​အာ​ခ​လှာ​ကွဳ​တံ​ဝွံ ဗက်​အာ​မွဲ​စွံ​အိုတ်​ရ။ ခေ​ရု​ၜီ​တံ​ဝွံ ညံၚ်​ဂွံ​တိုန်​နူ​တိ​ဂှ် ကာ​လ​မ​ပၠး​သၞေၚ်​တံ​ဂှ်၊ ခ​လှာ​ကွဳ​တံ​ဝွံ ဟွံ​သ္ဍး​တိတ်​အာ​တုဲ ဗက်​အိုတ်​ရ။ ၁၇ကာ​လ​ညး​တံ​ဒိုအ်၊ ခ​လှာ​ကွဳ​တံ​ဝွံ ဒိုအ်​အိုတ်​ရ။ ညး​တံ​ဝွံ သ္ဍး​အာ​နူ​ကဵု​တိ​ဇၞော်​တုဲ၊ ကာ​လ​မ​တိုန်​ခ​လှာ​ကွဳ​ဂှ်​လေ ဗက်​တိုန်​အိုတ်​ရ။ ဟိုတ်​မ္ဂး​ဂှ် ဝိ​ညာန်​သ​တ္တံ​ဝွံ နွံ​ပ္ဍဲ​ကွဳ​ရ။

၁၈ကာ​လ​ဂှ် တြဳ​ဇှ်​ကျာ်​ထာ​ဝ​ရ​ဝွံ ဆုဲ​အာ​နူ​ခုၚ်​တ​ရၚ်​သ္ၚိ​ကျာ်​တုဲ တိုန်​တဴ​ပ္ဍဲ​လ​တူ​ခေ​ရု​ၜီ​ရ။ ၁၉တေံ​ခေ​ရု​ၜီ​တံ​ဝွံ ပၠး​သၞေၚ်​ပ္ဍဲ​ဂ​တ​မု​က္ခ​ဝါ​အဲ​တုဲ​မ္ဂး၊ သ္ဍး​နူ​တိ​ဇၞော်​တုဲ တိုန်​အိုတ်​ရ။ ကာ​လ​တိတ်​မ္ၚး​ခ​လှာ​ကွဳ​တံ​ဝွံ ဗက်​အိုတ်​ရ။ ဒိုအ်​ပ္ဍဲ​ပါၚ်​တ​ရၚ်​သ္ၚိ​ကျာ်​ထာ​ဝ​ရ​တုဲ၊ တြဳ​ဇှ်​ကျာ်​ဂ​မျိုၚ်​ဂ​ကူ​ဣ​သ​ရေ​လ​တံ​ဝွံ နွံ​တန်​ဒၟံၚ် ပ္ဍဲ​လ​တူ​ညး​တံ​ရ။ ၂၀ဣ​ၚုဟ်​မ္ဂး​ဂှ်၊ ပ္ဍဲ​ဇ​ရေၚ်​ၜဳ​ခေ​ၜါ​ပ္ဍဲ​သၟဝ်​ကျာ်​ဂ​မျိုၚ်​ဂ​ကူ​ဣ​သ​ရေ​လ၊ အဲ​မ​ကေၚ်​ညာတ်​သ​တ္တံ​ဂှ်​ရ။ ဒ​ဒှ်​မ​ဒှ်​ခေ​ရု​ၜီ​ဂှ်​လေ အဲ​တီ​ရ။ ၂၁ညး​တံ​ဝွံ မု​က္ခ​ဝါ​ညး​မွဲ​ပန်​ဒိုဟ်၊ နွံ​သၞေၚ်​ညး​မွဲ​ပန်​ဒိုဟ်​တုဲ၊ ပ္ဍဲ​သၟဝ်​သၞေၚ်​နွံ​ဗီု​တဲ​မၞိဟ်​ရ။ ၂၂ဗီု​မု​က္ခ​ဝါ​မ္ဂး​ဂှ်၊ တုပ်​ညံၚ်​မု​က္ခ​ဝါ​အဲ​မ​ကေၚ်​ညာတ်​ပ္ဍဲ​ဇ​ရေၚ်​ၜဳ​ခေ​ၜါ​ရ။ အ​ရံၚ်​အ​လာ​ဇ​ကု​လေ တုပ်​ရ။ တေံ​ညး​ပန်​ဇ​ကု​တံ​ဝွံ လေပ်​အာ​သ္တပ်​သ္တပ်​အိုတ်​ရ။