၁ပ္ဍဲသၞာံပထမကုရုဨကရာတ်ပေရသိမဂဇံနန်၊ ညံၚ်ပၟိၚ်ကျာ်ထာဝရယေရမိမဟီုပ္တီဂှ် ဂွံဍိုက်ပေၚ်၊ ကျာ်ထာဝရမပ္အောဝ်လဴ၊ တေံဨကရာတ်ဝွံ လိက်အသံပ္တိတ်တုဲမ္ဂး၊ ကဵုကမြဴပ္ဍဲရးနဳဂီုပေရသိဇၟာပ်ပ်ဒေသတံဂှ်တုဲ၊ ၂သၟီကုရုဨကရာတ်ပေရသိဟီုပၟိၚ်မ္ဂးဂှ်၊ ကျာ်ထာဝရကျာ်ဂမျိုၚ်နာဲဘုံအကာသဝွံ၊ ရးနဳဂီုဆမနွံပ္ဍဲလတူတိဇၞော်တံဂှ် ကဵုပ္ဍဲအဲဍိက်ဂှ်ဒှ်တုဲ၊ ညံၚ်အဲဂွံသြိုၚ်ပ္တန်သ္ၚိကျာ်ပ္ဍဲရးယုဍဍုၚ်ယေရုသှလေမ်ဗ္ကန်လဝ်တုဲရ။ ၃မူရဴညးမွဲဒှ်မၞိဟ်ကျာ်ဂမျိုၚ် ပ္ဍဲမၞးတံရော။ ကျာ်ဂမျိုၚ်ဝွံ ကဵုကောံကုညးတေံမွဲစွံညိ။ အာပ္ဍဲဍုၚ်ယေရုသှလေမ်ရးယုဍတုဲ၊ ကဵုသြိုၚ်ပ္တန်သ္ၚိကျာ်ထာဝရဂကူကျာ်ဂမျိုၚ်ဣသရေလရ။ ကျာ်မနွံပ္ဍဲဍုၚ်ယေရုသှလေမ်ဝွံ၊ မဒှ်ကျာ်ဂမျိုၚ်ရ။ ၄ညးမမံၚ်ပ္ဍဲဇၟာပ်ဇၟာပ်ဒေသမၞိဟ်ကျာ်ဂမျိုၚ်မဇူဒီုတံဝွံ၊ ဝေၚ်နူမကဵုဒါန် အတိုၚ်ပၟိက်ဇကုသွက်သ္ၚိဂမျိုၚ်မနွံပ္ဍဲဍုၚ်ယေရုသှလေမ်၊ ကဵုထၜသ္ဘာ်ကဵုထဝ်၊ သြန်၊ ဒြပ်၊ တိရစ္ဆာန် သာ်ဝွံ ဟီုပၟိၚ်ရ။
၅ကာလဂှ် ညးဇၞော်ဂကူဝေါၚ်သယုဍ ကဵုဂကူဝေါၚ်သၜေန်ယာမိန်ဂမၠိုၚ်၊ သီုကဵုကောန်ယတ်ပရောဟိတ်လေဝိဂမၠိုၚ်မွဲစွံ၊ ညးကျာ်ဂမျိုၚ်မပ္အောဝ်လဴအိုတ်သီုတံဝွံ၊ ညံၚ်ဂွံသြိုၚ်ပ္တန်သ္ၚိကျာ်ထာဝရမနွံပ္ဍဲဍုၚ်ယေရုသှလေမ်ဂှ် က္တဵုအိုတ်ရ။ ၆သ္ၚိရေၚ်မွဲစွံဆမနွံတံဝွံ၊ ဝေၚ်နူဒါန်အတိုၚ်ပၟိက်ဇကု မကဵုဒါန်မပ္တံကဵုကြိယျာထဝ်၊ သြန်၊ ဒြပ်ဂမၠိုၚ်၊ တိရစ္ဆာန်ဂမၠိုၚ်၊ ဒြပ်အရာမထိုက်ကဵုၚုဟ်တံဂှ် ထၜသ္ဘာ်အိုတ်ရ။ ၇ဝေၚ်နူဂှ် ဍုၚ်ယေရုသှလေမ် နေၜုခါတ်နေဇာသီဏာတုဲ၊ ကြိယျာလွဳမာန် ကျာ်ဂမျိုၚ်မပၠုပ်စွံလဝ်ပ္ဍဲလွဳမာန် ကျာ်ဇကုတံဂှ်၊ ၈ဨကရာတ်ပေရသိကုရုဝွံ၊ နကဵုတဲမိသရေဒတ်ဂအုပ်တိုက်ထဝ်ဂှ် ပ္တိတ်တုဲ၊ ရိုဟ်ပအပ်ကဵု ပ္ဍဲသၟီယုဍသှေသှၜါဇာရ။ ၉စရၚ်ကြိယျာလွဳမာန်ကျာ်မ္ဂးဂှ်၊ သၠိုၚ်ထဝ်ပိစှ်ော၊ သၠိုၚ်သြန်မွဲလ္ၚီ၊ ၜုန်ၜါစှ်ောဒစိတ်၊ ၁၀ခၟာဲထဝ်ပိစှ်ော၊ ခၟာဲသြန်တၞဟ်အာပန်ကၠံစှ်၊ ကြိယျာတၞဟ်မွဲလ္ၚီ၊ ၁၁လၟိဟ်ကြိယျာထဝ်၊ ကြိယျာသြန်မ္ဂးဂှ်၊ မသုန်လ္ၚီပန်ကၠံရ။ တေံကြိယျာဂမၠိုၚ်တံဂှ် သှေသှၜါဇာဝွံ ကေတ်တုဲ၊ နူပ္ဍဲဂကောံမၞိဟ်မဒုၚ်ရပ်လဝ်၊ နူဍုၚ်ၜါၜုလောန်ကောံကုညးမကော်ဏာပ္ဍဲဍုၚ်ယေရုသှလေမ်မွဲစွံဂှ် ပလံၚ်နၚ်ရ။