သၠ​ပတ်​ပ​ထ​မ​ကဝ် ၁၇

၁ကြဴ​ဂှ် ကာ​လ​အာ​ဗြာမ်​မ​နွံ​အ​ယုက်​ဒ​စိတ်​စှ်ော​ဒ​စိ​တ်​သၞာံ​ဂှ်၊ ကျာ်​ထာ​ဝ​ရ​ထ​ၜး​ဇ​ကု​ကဵု​အာ​ဗြာမ်​တုဲ၊ အဲ​ဝွံ မ​ဒှ်​ကျာ်​ဂ​မျိုၚ်​တ​လ​ဣ​ဓိ​အ​န​န္တ​ရ။ အာ​ကၠုၚ်​ဂ​တ​အဲ​တုဲ နွံ​ကဵု​ဒ​ဒှ်​မ​စိ​စုံ​ရ။ ၂က​တ္တိ​က​အဲ​ဒက်​ကဵု​မၞး​ရောၚ်။ အဲ​ကဵု​မၞး​ဂၠိုၚ်​တိုန်​ဗွဲ​မ​လောန်​ရောၚ် သာ်​ဝွံ ဟီု​ပၟိၚ်​ရ။ ၃အာ​ဗြာမ်​ဝွံ​လေ အောပ်​မာ​ဇံ​သဝ်​တုဲ၊ ကျာ်​ဂ​မျိုၚ်​ဝွံ ၄က​တ္တိ​က​အဲ​မ​ကၠောန်​ဂှ် မ​နွံ​ပ္ဍဲ​မၞး​ရ။ မၞး​ဝွံ ဒှ်​မ​ဂ​ကူ​မၞိဟ်​ဗွဲ​မ​ဂၠိုၚ်​ရောၚ်။ ၅ကြဴ​ဂှ်​မွဲ​ဝါ​ယၟု​မၞး​ဟွံ​ဂွံ​ကော်​အာ​ဗြာမ်။ ယၟု​မၞး​ဒး​ကော် အာ​ဗြ​ဟာမ်​ရောၚ်။ ဟိုတ်​မ္ဂး​ဂှ် အဲ​ဝွံ ပ္ဍဲ​ဒး​မံၚ်​မ​ဂ​ကူ​မၞိဟ်​ဗွဲ​မ​ဂၠိုၚ်​တံ​ဂှ် ခါန်​ကၞက်​လဝ်​တုဲ​ရ။ ၆အဲ​ဝွံ ကဵု​မၞး​ဂၠိုၚ်​တိုန်​ဗွဲ​မ​လောန်​ရောၚ်။ န​ကဵု​မၞး​ဂှ် ကဵု​ဒှ်​မၞိဟ်​ဇၟာပ်​ဇၟာပ်​ဂ​ကူ​ရောၚ်။ ပ္ဍဲ​တၞောဝ်​ဒ​တောဝ်​မၞး​ဂှ်​လေ ဨ​က​ရာတ်​ဂွံ​ဒှ်​အိုတ်​ရောၚ်။ ၇အဲ​ဝွံ ကျာ်​မၞး၊ ကျာ်​တၞောဝ်​ဒ​တောဝ်​မၞး​ပ္ဍဲ​လက်​က​ရဴ​မၞး​ဒှ် ရောၚ် သာ်​ဝွံ ပ္ဍဲ​မၞး​ကဵု တၞောဝ်​ဒ​တောဝ်​မၞး​အ​ဆက်​အ​ဆက်​တံ​ဂှ် က​တ္တိ​က​အဲ​ဂှ် အဲ​ကဵု​ဒှ်​က​တ္တိ​က​ထာ​ဝ​ရ​ရောၚ်။ ၈မၞး​ဝွံ ဒှ်​တၟုဲ​တုဲ၊ ရး​မၞး​မ​မံၚ်​လၟုဟ်​မ​တွံ​ဂး​အ​လုံ​မွဲ​ဂၠး​ရး​ခါ​နာန်​ပ္ဍဲ​ကဵု​မၞး​ဂှ်​လေ​ကီု၊ ပ္ဍဲ​ကဵု​တၞောဝ်​ဒ​တောဝ်​မၞး​ပ္ဍဲ​လက်​က​ရဴ​မၞး​ဂှ်​လေ​ကီု၊ အဲ​ကဵု​ပိုၚ်​လ​အိတ်​တွဵု​ရောၚ်။ အဲ​ဒှ်​ကျာ်​ညး​တံ​ဂှ်​ရောၚ် သာ်​ဝွံ ဟီု​ပၟိၚ်​တဴ​ရ။

၉မွဲ​ဝါ​ပၠန်​ကျာ်​ဂ​မျိုၚ်​ဝွံ၊ ဒှ်​သာ်​ဂှ်​တုဲ ကောံ​ကု​မၞး​မွဲ​စွံ​ကြဴ​မၞး​တၞောဝ်​ဒ​တောဝ်​မၞး​အ​ဆက်​အ​ဆက်​တံ​ဝွံ ဒး​မၚ်​မွဲ​က​တ္တိ​က​အဲ​အိုတ်​ရောၚ်။ ၁၀ကောံ​ကု​မၞး​မွဲ​စွံ​တၞောဝ်​ဒ​တောဝ်​မၞး​ပ္ဍဲ​လက်​က​ရဴ​မၞး​က​တ္တိ​က​အဲ​မ​ဒး​မၚ်​မွဲ​ဂ​တ​အဲ​မ္ဂး​ဂှ်၊ ပ္ဍဲ​မၞး​တံ​ဂှ် ဇၟာပ်​ကောန်​တြုံ​ဒး​ဒုၚ်​မၚ်္ဂ​လ​ရေက်​တၞုၚ်​သၞာံ​ရောၚ်။ ၁၁မၚ်္ဂ​လ​ရေက်​တၞုၚ်​သၞာံ​ဝွံ ဂွံ​ဒှ်​သက်​သဳ​လက်​သန်​က​တ္တိ​က​အဲ​ကဵု​မၞး​တံ​မ​ကၠောန်​လဝ်​ရောၚ်။ ၁၂ပ္ဍဲ​ကဵု​တၞောဝ်​ဒ​တောဝ်​မၞး​အ​ဆက်​အ​ဆက်​တံ​ဂှ် ဇၟာပ်​ကောန်​တြုံ၊ ညး​မ​ဒုၚ်​သၠး​ဂ​ဗ္ဘ​ပ္ဍဲ​သ္ၚိ​ဇ​ကု​ကဵု​ဒှ်၊ ဂ​ကူ​ဇ​ကု​ဟွံ​သေၚ်​ပ္ဍဲ​ကဵု​ကောန်​ဂ​ကူ​တၞဟ်​သ္အာၚ်​ဂှ် ညး​မ​ဒုၚ်​ရာန်​ကဵု​သြန်​ကဵု​ဒှ်၊ ပေၚ်​အ​ယုက်​ဒ​စာံ​တ္ၚဲ​တုဲ၊ ဒး​ဒုၚ်​မၚ်္ဂ​လ​ရေက်​တၞုၚ်​သၞာံ​ရောၚ်။ ၁၃ညး​မ​ဒုၚ်​သၠး​ဂ​ဗ္ဘ​ပ္ဍဲ​သ္ၚိ​ဇ​ကု၊ ညး​မ​ဒုၚ်​ရာန်​ကဵု​သြန်​ဇ​ကု၊ ညး​မ​ဒုၚ်​ရာန်​ကဵု​သြန်​ဇ​ကု​ဒး​ဒုၚ်​မၚ်္ဂ​လ​ရေက်​တၞုၚ်​သၞာံ​ရောၚ်။ သာ်​ဂှ် က​တ္တိ​က​အဲ​ဝွံ မ​ဒှ် က​တ္တိ​က​ထာ​ဝ​ရ​ပ္ဍဲ​ဖျုန်​မၞး​တံ​ရောၚ်။ ၁၄တ​ဏုၚ်​သၞာံ​ဟွံ​ရေက်၊ ကောန်​တြုံ​ဟွံ​ဒုၚ်​မၚ်္ဂ​လ​ရေက်​တ​ဏုၚ်​သၞာံ​ဂှ် ဒး​ပါ်​ထောံ​နူ​ဂ​ကူ​ညး​ရောၚ်။ တေံ​မၞိဟ်​ဝွံ ပ​လီု​က​တ္တိ​က​အဲ​တုဲ​ရ သာ်​ဝွံ ဟီု​ပၟိၚ်​ကဵု​အာ​ဗြ​ဟာမ်​ရ။

၁၅မွဲ​ဝါ​ပၠန်​ကျာ်​ဂ​မျိုၚ်​ဝွံ၊ သ​မ္ဘာ​မၞး​သာ​ရာဲ​မ္ဂး​ဂှ်၊ ဟွံ​ဂွံ​ကော်​ယၟု​သာ​ရာဲ။ ဒး​ခုတ်​ယၟု​သာ​ရာ​ရောၚ်။ ၁၆အဲ​ကဵု​ပ​သေက်​ပ​သဝ်​ကဵု​ညး​တုဲ၊ န​ကဵု​ညး​ဂှ်​လေ အဲ​ကဵု​ကောန်​ပ္ဍဲ​မၞး​ရောၚ်။ ဒှ်​ကွေံ​သ္ဍာံ​သၟတ်​အဲ​ကဵု​ပ​သေက်​ပ​သဝ်​ကဵု​ညး​တုဲ ညး​ဝွံ ဒှ်​မၞိဟ်​ဂ​ကူ​ဂ​မၠိုၚ်​ရောၚ်။ ပ္ဍဲ​တၞောဝ်​ဒ​တောဝ်​ညး​ဂှ်​လေ ဨ​က​ရာတ်​ရး​ဂ​မၠိုၚ်​ဒး​ဒှ်​အိုတ်​ရောၚ် သာ်​ဝွံ ဟီု​ပၟိၚ်​ကဵု​အာ​ဗြ​ဟာမ်​ရ။ ၁၇ပ္ဍဲ​ကာ​လ​ဂှ် အာ​ဗြ​ဟာမ်​အောပ်​မာ​ဇံ​သဝ်​တုဲ၊ ညး​မ​နွံ​ကဵု​အ​ယုက်​ကၠံ​သၞာံ​ဝွံ ဂွံ​ကောန်​ရောၚ်​ဟာ။ သာ​ရာ​မ​နွံ​အ​ယုက်​ဒ​စိတ်​စှ်ော​သၞာံ​ဝွံ သၠး​ဂ​ဗ္ဘ​ရောၚ်​ဟာ သာ်​ဝွံ ဂြိုၚ်​မ္ဂး၊ ဗှ်​သၞာ​ပ္ဍဲ​စိုတ်​ညး​တုဲ ၁၈ဣ​သှ​မေ​လ​ကဵု​ဂျိုၚ်​လ​မျီု​ပ္ဍဲ​ဂ​တ​တဳ​လ​ပိုန်​ညိ သာ်​ဝွံ ကာ​လ​မ​ပ္တီ​ကျာ်​ဂ​မျိုၚ်၊ ၁၉ကျာ်​ဂ​မျိုၚ်​ဝွံ သ​မ္ဘာ​မၞး​သာ​ရာ​ဝွံ သၠး​ကောန်​တြုံ​ကဵု​မၞး​ရောၚ်။ တေံ​ကောန်​ဂှ်​လေ ဣ​ဇက်​ဒး​ခုတ်​ယၟု​ရောၚ်။ ပ္ဍဲ​ညး​ဂှ်​လေ​ကီု၊ လက်​က​ရဴ​ညး​ပ္ဍဲ​တၞောဝ်​ဒ​တောဝ်​ညး​ဂှ်​လေ​ကီု၊ က​တ္တိ​က​အဲ​ဂှ် အဲ​ကဵု​ဒှ်​က​တ္တိ​က​ထာ​ဝ​ရ​ရောၚ်။ ၂၀ပ္ဍဲ​အ​မှု​ဣ​သှ​မေ​လ​မ္ဂး​ဂှ် အဲ​က​လၚ်​ဂ​လာန်​မၞး​ရ။ အဲ​ကဵု​ပ​သေက်​ပ​သဝ်​ကဵု​ညး​ရ။ တၞောဝ်​ဒ​တောဝ်​ညး​ဂှ် အဲ​ကဵု​ဇၞော်​မောဝ်​တုဲ၊ ကဵု​ညး​ဂၠိုၚ်​တိုန်​ဗွဲ​မ​လောန်​ရောၚ်။ ညး​ဝွံ ဒှ်​မ​ကောန်​သၟီ​စှ်​ၜါ​တံ​ဂှ်​ရောၚ်။ တၞဟ်​န​သၟိက်​ကဵု​ဒှ်​ဂ​ကူ​မၞိဟ်​ဗွဲ​မ​ဇၞော်​ဂှ် အဲ​ပ​ရောၚ်။ ၂၁ၜိုန်​ဂှ်​လေ၊ ပ္ဍဲ​ဣ​ဇက်​ကောန်​သာ​ရာ​မ​သၠး​ဂ​ဗ္ဘ​ယး​သၞာံ​ပ္ဍဲ​အ​ခိၚ်​မ​သ​မောဲ​လဝ်​ဂှ် က​တ္တိ​က​အဲ​ဂှ် အဲ​ကဵု​တန်​ရောၚ် သာ်​ဝွံ ဟီု​ပၟိၚ်​တုဲ၊ ၂၂ရ​မျှာၚ်​မ​ဟီု​ပၟိၚ်​သ္ၚိတ်​မ္ဂး၊ ကျာ်​ဂ​မျိုၚ်​ဝွံ က္ည​တို​န်​အာ​နူ​ဇ​ရေၚ်​အာ​ဗြ​ဟာမ်​ရ။

၂၃အာ​ဗြ​ဟာမ်​ဝွံ​လေ၊ မ​ပ္တံ​ကဵု​ဣ​သှ​မေ​လ​တုဲ၊ ညး​မ​ဒုၚ်​သၠး​ဂ​ဗ္ဘ​ပ္ဍဲ​သ္ၚိ​ဇ​ကု​အိုတ်​သီု၊ ညး​မ​ရာန်​န​ကဵု​သြန်​ဇ​ကု​အိုတ်​သီု​မ​တွံ​ဂး​မၞိဟ်​တြုံ​မ​ဆေၚ်​ကဵု​သ္ၚိ​အာ​ဗြ​ဟာမ်​အိုတ်​သီု​တံ​ဂှ် ကေတ်​တုဲ၊ အ​တိုၚ်​ကျာ်​ဂ​မျိုၚ်​မ​ဟီု​ပၟိၚ်​ဂှ် ပ္ဍဲ​တ္ၚဲ​ဂှ်​ရ​ကဵု​မၚ်္ဂ​လ​ရေက်​တ​ဏုၚ်​သၞာံ​ရ။ ၂၄အာ​ဗြ​ဟာမ်​ဝွံ ကာ​လ​ဇ​ကု​ညး​မ​ဒုၚ်​မၚ်္ဂ​လ​ရေက်​တ​ဏုၚ်​သၞာံ​ဂှ်၊ မ​နွံ​အ​ယုက်​ဒ​စိတ်​စှ်ော​ဒ​စိတ်​သၞာံ​ရ။ ၂၅ကောန်​ဣ​သှ​မေ​လ​ဝွံ ကာ​လ​မ​ဒုၚ်​မၚ်္ဂ​လ​ရေက်​တ​ဏုၚ်​သၞာံ​ဂှ် မ​နွံ​အ​ယုက်​စှ်​ပိ​သၞာံ​ရ။ ၂၆ပ္ဍဲ​တ္ၚဲ​ဂှ်​ရ​အာ​ဗြ​ဟာမ်​ကဵု​ကောန်​ဣ​သှ​မေ​လ​ဝွံ ဒုၚ်​မၚ်္ဂ​လ​ရေက်​တ​ဏုၚ်​သၞာံ​ရ။ ၂၇ညး​မ​ဒုၚ်​သၠး​ဂ​ဗ္ဘ​ပ္ဍဲ​သ္ၚိ​ညး၊ ညး​မ​ရာန်​ကဵု​သြန်​ညး​ပ္ဍဲ​ကောန်​ဂ​ကူ​ညး​တၞဟ်​သ္အာၚ်၊ မၞိဟ်​တြုံ​မ​ဆေၚ်​ကဵု​သ္ၚိ​ညး​အိုတ်​သီု​တံ​ဝွံ တုပ်​သၟဟ် ကဵု​ညး​ဒုၚ်​မၚ်္ဂ​လ​ရေက်​တၞုၚ်​သၞာံ​အိုတ်။