သၠ​ပတ်​အ​နာ​ဂ​တ္တိ​ဟဝ်​သှေ ၂

၁ပ္ဍဲ​ကဵု​ကော​ဒေံ​မၞး​တံ​ဂ​မၠိုၚ်​ဂှ် မၞိဟ်​အဲ သာ်​ဝွံ​ဂှ်​လေ​ကီု၊ ပ္ဍဲ​ကဵု​ၝဲ​ဒေံ​မၞး​တံ​ဂ​မၠိုၚ်​ဂှ် ကောန်​ဗြဴ​ဂပ်​ဂေါဝ်​ဆာန်​ဍူ​မက်​မတ် သာ်​ဝွံ​ဂှ်​လေ​ကီု ကော်​အိုတ် မွဲ​ဝါ​ပၠန်​ညိ။ ၂က​သေံ​ကၟဝ်​ပ္အေါဝ်​လဴ​မိ​မၞး​တံ​အိုတ်​ညိ။ ညး​ဝွံ သ​မ္ဘာ​အဲ​ဟွံ​သေၚ်။ အဲ​ဝွံ​လေ တ​လ​သ္ၚိ​ညး​ဟွံ​သေၚ်။ ဟိုတ်​ဂှ်​ရ​က​သေံ​ကၟဝ်​ပ္အေါဝ်​လဴ​အိုတ်​ညိ။ မုက်​မတ်​သ​ရာဲ​ဍုၚ်​ဂှ် ပါဲ​တုဲ၊ ပွ​မ​မှာ​ရာ​အာ​ဂှ် ကဵု​ဝေၚ်​ကၠေံ​ညိ။ ၃ဟွံ​ဝေၚ်​ကၠေံ​မ္ဂး ယာတ်​လ​တက်​ညး​ဆ​မ​နွံ​အဲ​ခ​လောတ်​တုဲ၊ ညံၚ်​နဲ​ယာတ်​ဟွံ​မွဲ​ပ္ဍဲ​တ္ၚဲ​ညး​မ​ဒုၚ်​သၠး​ဂ​ဗ္ဘ​ယာတ်​ဟွံ​ပါ၊ ပ္တိတ်​စွံ​လဝ်​မ္ၚး​ရောၚ်။ ညံၚ်​နဲ​ဝါ​ခ​လာတ်​ၚး​တး​ရောၚ်။ ကဵု​ဒှ်​ညံၚ်​နဲ​တိ​သ္ကဟ်​မ္ဂး၊ ကဵု​ထၚ်​ဍာ်​တုဲ ကဵု​ချိုတ်​ရောၚ်။ ၄ကောန်​ညး​တံ​ဝွံ ဟိုတ်​မ​ဒှ်​ကောန်​မ​ဂွံ​ပ္ဍဲ​ညး​မ​ဒေပ်​တြုံ​ထ္ကဲ​ဂှ်၊ ညး​တံ​ဂှ် အဲ​ဟွံ​ဆာန်​ဍူ​မက်​မတ်​မံၚ်​တဴ​ရောၚ်။ ၅မိ​ညး​တံ​ဒှ်​ဗြဴ​သ​ရာဲ​ဍုၚ်​ရ။ ညး​မ​ကေတ်​ပ​တိ​သ​န္ဓိ​ညး​တံ​ဝွံ ပ​ပွ​မ​က္ဍိုက်​ဂွ​တုဲ​ရ။ ညး​ဂှ်​လေ ပ္ဍဲ​လက်​က​ရဴ​က​ဝေၚ်​အဲ​ဂ​မၠိုၚ်​မ​လေပ်​ကဵု​ကွာၚ်​အဲ၊ ဍာ်​အဲ၊ က​သော်​သဵု​အဲ၊ ကာန်​အဲ၊ ကၠေၚ်​အဲ၊ ဍာ်​အဲ​မ​သုၚ်​ဂှ် အဲ​ဗက်​ရောၚ် သာ်​ဝွံ ဟီု​တုဲ​ရ။ ၆ဒှ်​သာ်​ဂှ်​တုဲ၊ တ​ရဴ​ညး​ဂှ် အဲ​ဒ​နာ​လဝ်​ကဵု​ဒပ်​ဇ​လ​ရောၚ်။ ဂၠံၚ်​ညး​ဂွံ​တိတ်​တၞံ​န​သၟိက်​ဟွံ​မွဲ​ကဵု​ပ္ဍဲ​ပွဳ​ဗွိုၚ်​ညး​ကၟာၚ်​ဂှ်​လေ အဲ​ဒက်​ရောၚ်။ ၇ညး​ဝွံ ၜိုန်​မ​ဗက်​က​ဝေၚ်​တံ​ဂှ်​ကီု​ဟွံ​ဂွံ​ဂ​တာပ်။ ၜိုန်​မ​ဂၠာဲ​ညး​တံ​ဂှ် ဟွံ​ကဵု​ဆဵု။ ကာ​လ​ဂှ် ပ္ဍဲ​သ​မ္ဘာ​တ​ရေံ​ဂှ် အဲ​က​လေၚ်​အာ​ရောၚ်။ လောန်​နူ​အဲ​မ​မံၚ်​လၟုဟ်​ဂှ် ဒၞာဲ​မ​မံၚ်​ကိုပ်​ကၠာ​ဂှ် ခိုဟ်​လောန်​ရ သာ်​ဝွံ မ​ဟီု​ရောၚ်။ ၈သြောံ​သ္ၚု၊ ဍာ်​ဇ​ဗျေတ်၊ ကၠေၚ်​တံ​ဂှ် အဲ​ဇိုန်​ကဵု​ရောၚ် သာ်​ဝွံ​ဂှ်​လေ​ကီု၊ ထဝ်​သြန်​မ​ပူ​ဇဴ​ကဵု​ကျာ်​ၜါ​လ​အဲ​ကဵု​ဂၠိုၚ်​တိုန် ပ္ဍဲ​ညး​ရောၚ် သာ်​ဝွံ​ဂှ်​လေ​ကီု၊ ညး​ဟွံ​ဗှ်​သ​ဏာ​ရ​သွံ။ ၉ဒှ်​သာ်​ဂှ်​တုဲ ပ္ဍဲ​အ​ခိၚ်​ရတ်​သြောံ၊ သြောံ​အဲ​ဂှ်​လေ​ကီု၊ ပ္ဍဲ​အ​ခိၚ်​မ​ကၠောန်​ဍာ်​ဇ​ဗျေတ်​ဂှ် ဍာ်​ဇ​ဗျေတ်​အဲ​ဂှ်​လေ​ကီု၊ က​သော်​သဵု​အဲ၊ ကာန်​အဲ​သွက်​ဂွံ​ဂြောပ်​ဒ​လီု​ဇ​ကု​ညး​ဂှ်​လေ​ကီု အဲ​သီ​ကေတ်​ရောၚ်။ ၁၀လၟုဟ်​ဝွံ ပ္ဍဲ​ဂ​တ​က​ဝေၚ်​ညး​ဂ​မၠိုၚ်​ဂှ် အဲ​ပံက်​ဂ​တး ယာတ်​လ​တက်​ညး​တုဲ က္ဍိုက်​ဂွ​ရောၚ်။ နူ​အ​ပ္ဍဲ​တဲ​အဲ​မူ​ရဴ​ညး​မွဲ​နုက်​ညး​ဟွံ​မာန်။ ၁၁ဒ​ဒှ်​ညး​မ​အိုဟ်​တ​မိုဟ်​ဆ​မ​နွံ​ကဵု​ပေါဲ​သ​ဗၚ်​ညး၊ တ္ၚဲ​ဂိ​တု​မံက်​သဳ​ဥ​ပုဟ်၊ ဒ​ဒှ်​ပူ​ရိ​သာတ်​မ​ကောံ​ဒ​ရီု​အိုတ်​သီု​တံ​ဂှ် အဲ​ကဵု​ပိုတ်​ရောၚ်။ ၁၂ဣ​ဝွံ မ္ဂး​ဂှ်၊ ဒှ်​လာပ်​သ​ကာ​က​ဝေၚ်​အဲ​မ​ကဵု​ရောၚ် သာ်​ဝွံ ကၠံ​ဇ​ဗျေတ်၊ ကၠံ​ဝိ​က္ၜၚ်၊ ညး​မ​ဟီု​တံ​ဂှ် အဲ​ပါဲ​စ​လး​ကၠေံ​မ္ဂး၊ ကဵု​ဒှ်​ဝါ​ခ​လာတ်​တုဲ သ​ရာဲ​ဂြိုပ်​တံ​ဝွံ ကိတ်​စ​အိုတ်​ရောၚ်။ ၁၃ပ္ဍဲ​ကဵု​ကျာ်​ၜါ​လ​တံ​ဂှ် စံၚ်​ဂ​ကူ​မြ​မောဝ်​တုဲ ကျိုၚ်​ကျဝ် အ​ပေါတ်​ကြိ​ယျာ​ကၟက်​ကံ​ဗက်​လက်​က​ရဴ​က​ဝေၚ်​မ္ဂး၊ ဝိုတ်​အဲ​တုဲ​ရန်​ကဵု​ဒုဟ်​မ​ပ​ဒး​ပ္ဍဲ​လက်​ထက်​ကျာ်​ၜါ​လ​တံ​ဂှ် အဲ​စဳ​ရေၚ်​ရောၚ် သာ်​ဝွံ ကျာ်​ထာ​ဝ​ရ​ဟီု​ပၟိၚ်​ရ။

၁၄ဟိုတ်​ဂှ်​ရ အဲ​လှေံ​လှန်​ညး​မွဲ​ဝါ​ပၠန်​ရောၚ်။ ပ္ဍဲ​ဂၠံၚ်​ဂြိုပ်​ဂှ် ပ​လံၚ်​ဏာ​ညး​တုဲ၊ ဂ​လာန်​မ​ၜိုဟ်​သြိုဟ်​အဲ​ဟီု​ကဵု​ညး​ရောၚ်။ ၁၅မွဲ​လ္ပာ်​ဂြိုပ်​ဂှ် ကၠံ​ဇ​ဗျေတ်​တံ​ဂှ်​လေ​ကီု၊ ပ္ဍဲ​ခ​လံက်​အာ​ခဝ်​တ​ရၚ်​မ​ဂွံ​ရံၚ်​လၟဳ​ဂှ်​လေ​ကီု အဲ​ကဵု​ရောၚ်။ ညး​ဝွံ ညံၚ်​နဲ​မ​ဒ​ယေဟ်​ဒွက်​ကာ​လ​မ​တိတ်​နူ​ရး​အာဲ​ဂု​တ္တု​ကာ​လ​အ​ယုက်​မ​သွတ်​ဂှ်၊ ကာ​လ​မ​စိုပ်​မွဲ​လ္ပာ်​ဂြိုပ်​ဂှ် ဂွံ​ဒ​ယေဟ်​ဒွက်​ရောၚ်။ ၁၆ကျာ်​ထာ​ဝ​ရ​ဟီု​ပၟိၚ်​မ္ဂး​ဂှ်၊ ပ္ဍဲ​ကာ​လ​ဂှ် မၞး​ဝွံ အဲ​ဂှ် တ​လ​အဲ​ရောၚ် သာ်​ဝွံ ဟွံ​ဂွံ​ကော်၊ သ​မ္ဘာ​ရောၚ် သာ်​ဝွံ မ​ဒး​ကော်​ရောၚ်။ ၁၇ယၟု​ယၟာ​တ​လ​ညး​တၞဟ်​သ္အာၚ်​ဂ​မၠိုၚ်​ဂှ် အဲ​ပါဲ​ကၠေံ​နူ​ပါၚ်​ညး​တုဲ၊ ကြဴ​မွဲ​ဝါ​တေံ​ယၟု​ယၟာ​ဂ​မၠိုၚ်​ဂှ် ဟွံ​ဂွံ​သ​မ္တီ​ဟွံ​ဂွံ​ဟီု​ရ။ ၁၈ပ္ဍဲ​ကာ​လ​ဂှ် အဲ​ဝွံ သွက်​ညး​တံ၊ ကဵု​သ​ရာဲ​ဂြိုပ်၊ ဂ​စေံ​ပ္ဍဲ​အ​ကာ​သ၊ တိ​ရ​စ္ဆာန်​မ​လေပ်​ခ​မာ​အာ​ပ္ဍဲ​လ​တူ​တိ​ဂ​မၠိုၚ်​ဂှ် ဒက်​မိ​ဿ​ဟာဲ​ယျ​တုဲ ပါဲ​ကၠေံ​တ္ၚ၊ သ္ဇၚ်​လွဟ်​တဲ​ဗ္တိုက်​ပၞာန်​နူ​လ​တူ​တိ​မ္ဂး၊ ညး​တံ​ဝွံ ဂ​ဝိၚ်​စိုတ်​ဟွံ​မွဲ​တုဲ ဂွံ​တိက်​အိုတ်​ရောၚ်။ ၁၉အဲ​ဝွံ သွက်​ဇ​ကု​ဂှ် သီ​ကေတ် မၞး​လ​မိုန်​ကာ​လ​ရောၚ်။ သၟဟ်​သၟန်​ကဵု​ဒ​ဒှ်​မ​သ္တပ်​လ္ဂူ၊ ဒ​ဒှ်​မ​စဳ​ရေၚ်​ဗ​ဗွဲ​ဓဝ်၊ ဒ​ဒှ်​မ​ဆာန်​လောန်၊ ဒ​ဒှ်​မ​ဆာန်​ဍူ​မက်​မတ်​သွက်​ဇ​ကု​ဂှ် အဲ​သီ​ကေတ်​မၞး​ရောၚ်။ ၂၀သၟဟ်​သၟန်​ကဵု​ဒ​ဒှ်​မ​မၚ်​သ​စ္စ​အဲ​သီ​ကေတ်​တုဲ မၞး​ဝွံ ဂွံ​တီ ကျာ်​ထာ​ဝ​ရ​ရောၚ်။ ၂၁ကျာ်​ထာ​ဝ​ရ​ဟီု​ပၟိၚ်​မ္ဂး​ဂှ်၊ ပ္ဍဲ​ဂိ​တု​တ္ၚဲ​ကာ​လ​ဂှ် အဲ​က​လၚ်​ရောၚ်။ ဂ​လာန်​အ​ကာ​သ က​လၚ်​တုဲ၊ ညး​တံ​ဝွံ က​လၚ်​ဂ​လာန်​တိ​ဇၞော်​ရောၚ်။ ၂၂တိ​ဇၞော်​တုန်​လေ ဂ​လာန်​သြောံ​သ္ၚ၊ ဍာ်​ဇ​ဗျေတ်​ကၠေၚ်​တံ​ဂှ် က​လၚ်​တုဲ ညး​တံ​ဝွံ​လေ က​လၚ်​ဂ​လာန် ယေ​ဇ​ရေ​လ​အိုတ်​ရောၚ်။ ၂၃ဝုတ်​တေံ​တံ​ဂှ် ညံၚ်​နဲ​မ​ဂြာတ်​မ​အဲ​ဂြာတ်​ပ္ဍဲ​တိ​သွက်​ဇ​ကု​ရောၚ်။ ပ္ဍဲ​ဝုတ်​က​ညာ​ဟွံ​ဂပ်​ဂေါဝ်​ဆာန်​ဍူ​မက်​မတ်​ဂှ် အဲ​ဆာန်​ဍူ​မက်​မတ်​ရောၚ်။ ပ္ဍဲ​ကဵု​ညး​မ​ဒှ်​မၞိဟ်​အဲ​ဟွံ​သေၚ်​ဂှ်​လေ​ကီု၊ မၞး​ဝွံ မ​ဒှ်​မၞိဟ်​အဲ​ရောၚ် သာ်​ဝွံ အဲ​ဟီု​ရောၚ်။ ညး​ဂှ်​လေ တဳ​လ​ပိုန်​ဝွံ ဒှ်​ကျာ်​ဂ​မျိုၚ်​အဲ​ရောၚ် သာ်​ဝွံ လ္ၚောဝ်​ပ္တီ​ရောၚ် သာ်​ဝွံ ဟီု​ပၟိၚ်​ရ။