ခ​ရေတ်​ဝၚ်​ယဝ်​ဟာန် ၄

၁-၂ယေ​သှု​ဝွံ န​ကဵု​ဇ​ကု​ဂှ် ဟွံ​ကဵု​ၜါ​တ္တိ​ဇာံ​ဆ​တွး​တံ​ကီု​မ​ကဵု​ရောၚ်။ ၜိုန်​ဂှ်​လေ ယေ​သှု​ဝွံ​လောန်​နူ​ကဵု​ယဝ်​ဟာန်​မၞိဟ်​ဂ​မၠိုၚ်​တံ​ဂှ် ကဵု​ဒှ်​တွး​တုဲ ဒ​ဒှ်​မ​ကဵု​ၜါ​တ္တိ​ဇာံ​ဂှ် မၞိဟ်​ဖာ​ရိ​သေဝ်​တံ​ဝွံ ဂွံ​မိၚ်​အိုတ်​ရ သာ်​ဝွံ ကာ​လ​တဳ​လ​ပိုန်​တီ​တုဲ ၃တိတ်​အာ​နူ​ရး​ယု​ဍ​မ္ဂး ပ္ဍဲ​ရး​ဂါ​လိ​လဲ​ဂှ် က္ည​အာ​မွဲ​ဝါ​ပၠန်​တုဲ ၄ပ္ဍဲ​အ​ဒေါဝ်​ရး​သ​မာ​ရိ​ဂှ် ဒး​သ​ဍောန်​အာ​ရ။ ၅ဍုၚ်​သု​ခါ​မ​နွံ​ယၟု​ပ္ဍဲ​ရး​သ​မာ​ရိ​မ​ညောန်​ကဵု​တိ​ယျာ​ကုက် မ​ကဵု​ပ္ဍဲ​ကောန်​ဇ​ကု​ယဝ်​သာတ်​ဂှ် အာ​စိုပ်​ရ။ ၆ပ္ဍဲ​ဒေ​သ​ဂှ် ဍာ်​ပ​လိုၚ်​ယျာ​ကုက်​မ​နွံ​ရ။ ယေ​သှု​ဝွံ ကွာ်​တ​ရဴ​တုဲ ဍောၚ်​ၜိုတ်​မ္ဂး ပ္ဍဲ​ဇ​ရေၚ်​ဍာ်​ပ​လိုၚ်​ဂှ် ဂ​ဇံ​ဒၟံၚ်​ရ။ တေံ​ပ​ယာံ​ဂှ် ဒှ်​ပ​ယာံ​တ​ရဴ​နာ​ဍဳ​ရောၚ်။

၇ဗြဴ​သ​မာ​ရိ​မွဲ​ဂှ် သၟိက်​ဂွံ​တုက်​ဍာ်​မ္ဂး ပြာပ်​ကၠုၚ်​တုဲ။ ယေ​သှု​ဝွံ ဍာ်​သွက်​အဲ​ဂွံ​သုၚ်​ဂှ် ကဵု​ညိ သာ်​ဝွံ ဟီု​ကဵု​ဗြဴ​ဂှ်​ရ။ ၈ဟိုတ်​မ္ဂး​ဂှ်။ တွး​တံ​ဝွံ သၟိက်​ဂွံ​ရာန်​စ​ဏ​စ​ဂှ် အာ​ပ္ဍဲ​ဍုၚ်​အိုတ်​ရ။ ၉ဗြဴ​ဂှ်​လေ မၞး​ဝွံ ဒှ်​မၞိဟ်​ယု​ဍ​တုဲ ပ္ဍဲ​ကဵု​အဲ​ဍိက်​မ​ဒှ်​ဗြဴ​သ​မာ​ရိ​ဍာ်​သွက်​ဂွံ​သုၚ်​ဂှ် မူ​ဟိုတ်​မ​အာတ်​ရော သာ်​ဝွံ မ​ဟီု​ရ။ မူ​ဟိုတ်​မ​ဟီု​ရော​မ္ဂး​ဂှ်။ မၞိဟ်​ယု​ဍ​တံ​ဝွံ ဟွံ​လေပ်​ပံၚ်​ဖက်​ကဵု​မၞိဟ်​သ​မာ​ရိ။ ၁၀ယေ​သှု​ဂှ်​လေ လာပ်​သ​ကာ​ကျာ်​ဂ​မျိုၚ်​ဂှ်​လေ​ကီု။ သွက်​အဲ​ဂွံ​သုၚ်​ဂှ် ကဵု​ညိ သာ်​ဝွံ ညး​မ​ဟီု​ဂှ် ဒ​ဒှ်​မ​ဒှ်​ညး​ဂှ် ရော​ဂှ်​လေ​ကီု​မၞး​တီ​မ္ဂး ပ္ဍဲ​ညး​တေံ​ဂှ် မၞး​အာတ်​ပၠန်​ရောၚ်။ ညး​ဂှ်​လေ ဍာ်​လ​မျီု​ဂှ် ကဵု​မၞး​ရောၚ် သာ်​ဝွံ ယေ​သှု​က​လေၚ်​ပၟိၚ်​တုဲ။ ၁၁ဗြဴ​ဂှ်​လေ ပ္ဍဲ​တ​လ​အဲ​ဂှ် သွက်​ဂွံ​တုက်​ဍာ်​ဟွံ​မွဲ။ ဍာ်​ပ​လိုၚ်​လေ သ္ဇိုဟ်​လောန်​ဂှ်​ဒှ်​တုဲ ဍာ်​လ​မျီု​ဂှ် မူ​ဒၞာဲ​မ​ဂွံ​ရော။ ၁၂ဍာ်​ပ​လိုၚ်​ဝွံ မ​ပိုဲ​ညး​ယျာ​ကုက်​ကဵု​ပ္ဍဲ​ပိုဲ​ညး​ရ။ မ​ပ္တံ​ကဵု​ဇ​ကု​ညး​ဂှ်​ဒှ်​တုဲ ကောန်​တြုံ​ကောန်​ဗြဴ​ကဵု​တိ​ရ​စ္ဆာန်​ဂ​မၠိုၚ်​တံ​ဂှ် သုၚ်​ဒၟံၚ်​ဍာ်​ပ​လိုၚ်​ဂှ် အိုတ်​ရ။ တ​လ​အဲ​ဝွံ ဇၞော်​ပြဲ​လောန်​နူ​ညး​ဟာ သာ်​ဝွံ မ​ဟီု​ရ။ ၁၃ယေ​သှု​ဂှ်​လေ ညး​မ​သုၚ်​ဍာ်​ဝွံ မ္ဂး​ဂှ် ကြဴ​မွဲ​ဝါ​ဒး​ထၚ်​ဍာ်​ပၠန်​ရောၚ်။ ၁၄ညး​မ​ဂွံ​သုၚ်​ဍာ်​အဲ​မ​ကဵု​မ္ဂး​ဂှ် နူ​ကဵု​ဒ​ဒှ်​မ​ထၚ်​ဍာ်​ဂှ် ဂွံ​ဗၠး​သၠး​လ္အိတ်​တွဵု​ရောၚ်။ ဍာ်​အဲ​ကဵု​မ္ဂး​ဂှ် ပ္ဍဲ​ညး​ဝွံ ဒှ်​ဍာ်​ဗ​လာဲ​ဇွောဝ်​တိတ်​ပ္ဍဲ​လ​မျီု​မ​ဂျိုၚ်​ဒၟံၚ်​ထာ​ဝ​ရ​ရောၚ် သာ်​ဝွံ ယေ​သှု​တွံ​ပၟိၚ်​ရ။ ၁၅ဗြဴ​ဂှ်​လေ တ​လ​အဲ။ အဲ​ဍိက်​ဝွံ ညံၚ်​ဟွံ​ဒး​ထၚ်​ဍာ်​ဂှ်​လေ​ကီု​ညံၚ်​ဟွံ​ဒး​ကၠုၚ်​တုက်​ဍာ်​ပ္ဍဲ​ဒေ​သ​ဝွံ​ဂှ်​လေ​ကီု။ ဍာ်​ဂှ် ကဵု​အဲ​ဍိက်​ညိ သာ်​ဝွံ ဟီု​မ္ဂး ၁၆ယေ​သှု​ဂှ်​လေ အာ​ရ။ သ​မ္ဘာ​မၞး​ဂှ် ကော်​တုဲ ကၠုၚ်​ပၠန်​ရ။ သာ်​ဝွံ ဟီု​ပၟိၚ်​တုဲ ၁၇ဗြဴ​ဂှ်​လေ ပ္ဍဲ​အဲ​ဍိက်​ဂှ် သ​မ္ဘာ​ဟွံ​မွဲ သာ်​ဝွံ ဟီု​မ္ဂး ယေ​သှု​ဂှ်​လေ သ​မ္ဘာ​ဟွံ​မွဲ သာ်​ဝွံ ဂ​လာန်​မ​ဟီု​ဂှ် သ္ဍာံ​သၟတ်​ရ။ ၁၈ဟိုတ်​မ္ဂး​ဂှ်။ သ​မ္ဘာ​မၞး​မ​သုန်​မ​နွံ​တုဲ​ရ။ ညး​မ​မံၚ်​ကု​မၞး​လ​မုဟ်​ဝွံ​ဂှ် သ​မ္ဘာ​မၞး​ဟွံ​သေၚ်။ ပ္ဍဲ​အ​ရာ​ဝွံ ဂ​လာန်​မ​သ္ဍာံ​သၟတ်​ဂှ် မၞး​ဟီု​တုဲ​ရ သာ်​ဝွံ တွံပၟိၚ်​ရ။

၁၉ဗြဴ​ဂှ်​လေ တ​လ​အဲ။ တဳ​လ​ပိုန်​ဝွံ ဒ​ဒှ်​မ​ဒှ်​ပ​ရော​ဗက်​ဂှ် အဲ​ဍိက်​ရိပ်​တီ​ရ။ ၂၀ဇု​ဇ​ပိုဲ​ညး​ဂ​မၠိုၚ်​တံ​ဂှ် အ​ပ္ဍဲ​လ​တူ​ဒဵု​ဝွံ မ​လေပ်​ရေဟ်​သေဟ်​ရဴ​ဂဴ​အိုတ်​ရောၚ်။ မၞး​တံ​မ​လေပ်​ဟီု​မ္ဂး​ဂှ်။ ပ္ဍဲ​ဍုၚ်​ယေ​ရု​သ​လေၚ်​ဂှ် ဒှ်​ဒ​မံၚ်​ဒေ​သ​မ​ဒး​ရေဟ်​သေဟ်​ရဴ​ဂဴ​ရောၚ် သာ်​ဝွံ ဗြဴ​မ​ဟီု​ရ။ ၂၁ယေ​သှု​ဂှ်​လေ မၞး​မၞိဟ်​ဗြဴ​ဂ​လာန်​အဲ​ဂှ် ပ္တေဟ်​ရ။ ပ္ဍဲ​ဇ​ရေၚ်​ဒဵု​ဝွံ ကဵု​ဒှ်။ ပ္ဍဲ​ဍုၚ်​ယေ​ရု​သ​လေၚ်​ကဵု​ဒှ်​ပ​ယာံ​ကာ​လ​ဟွံ​ရေဟ်​သေဟ်​ရဴ​ဂဴ​မ​အံက်​ဂှ် စိုပ်​ကၠုၚ်​ရောၚ်။ ၂၂မၞး​တံ​ဝွံ အ​ရာ​ဇ​ကု​ဟွံ​တီ​ဂှ် မ​လေပ်​ရေဟ်​သေဟ်​အိုတ်​ရ။ ပိုဲ​ညး​တံ​ဝွံ အ​ရာ​ဇ​ကု​မ​တီ​ဂှ် မ​လေပ်​ရေဟ်​သေဟ်​အိုတ်​ရ။ ဟိုတ်​မ္ဂး​ဂှ်။ နူ​အ​ပ္ဍဲ​မၞိဟ်​ယု​ဍ​ဒ​ဒှ်​မ​ဟံၚ်​ပြာ်​ဂှ် မ​ဂွံ​ဒှ်​ရောၚ်။ ၂၃ညး​မ​ရေဟ်​သေဟ်​သ္ဍာံ​သၟတ်​တံ​ဂှ် န​ကဵု​ဝိ​ညာန်​ဂှ်​လေ​ကီု​န​ကဵု​သ​စ္စ​ဂှ်​လေ​ကီု​ပ​ယာံ​ကာ​လ​မ​ဒး​ရေဟ်​သေဟ်​ရဴ​ဂဴ​မ​အံက်​ဂှ် စိုပ်​ကၠုၚ်​ရောၚ်။ လ​မုဟ်​ဂှ်​လေ စိုပ်​ဒၟံၚ်​တုဲ​ရ။ ဟိုတ်​မ္ဂး​ဂှ်။ ပ္ဍဲ​ညး​မ​ရေဟ်​သေဟ် သာ်​ဝွံ​ဂှ် ပၟိက်​မ​အံက်​မ​နွံ​ရ။ ၂၄ကျာ်​ဂ​မျိုၚ်​ဝွံ​ဂှ် ဒှ်​နာံ​ဝိ​ညာန်​ရ။ ညး​မ​ရေဟ်​သေဟ်​ရဴ​ဂဴ​ကျာ်​ဂ​မျိုၚ်​တံ​ဝွံ န​ကဵု​စိုတ်​ဝိ​ညာန်​ဂှ်​လေ​ကီု​န​ကဵု​သ​စ္စ​ဂှ်​လေ​ကီု​ဒး​ရေဟ်​သေဟ်​ရဴ​ဂဴ​ရောၚ် သာ်​ဝွံ ဟီု​ပၟိၚ်​ရ။ ၂၅ဗြဴ​ဂှ်​လေ မေ​သိ​က္ည​ကၠုၚ်​ရောၚ် သာ်​ဝွံ အဲ​ဍိက်​တီ​ရ။ ကာ​လ​ညး​မ​စိုပ်​ဂှ် ပ္ဍဲ​အဲ​ဍိက်​တံ​ဝွံ အ​လုံ​သီု​ဖ​အိုတ်​တံ​ဂှ် တ​မော်​ထ​ၜး​ရောၚ် သာ်​ဝွံ ပ္တီ​ပၠန်​ရ။ ရ​ထ​မေ​သိ​မ္ဂး​ဂှ် ခ​ရေတ်​ရောၚ် သာ်​ဝွံ သၟိက်​ဂး​ရ။ ၂၆ယေ​သှု​ဂှ်​လေ မ​ဟီု​ဒၟံၚ်​အ​ရေဝ်​ကဵု​မၞး​အဲ​ဂှ် ဒှ်​မေ​သိ​ရောၚ် သာ်​ဝွံ ဟီု​ပၟိၚ်​ရ။

၂၇ပ္ဍဲ​ကာ​လ​ဂှ် တွး​တံ​ဝွံ စိုပ်​ကၠုၚ်​တုဲ ဟိုတ်​တဳ​လ​ပိုန်​မ​ဟီု​အ​ရေဝ်​ကဵု​ဗြဴ​တေံ​ဂှ် ဒှ်​တဴ​အံ​သဝ်​အိုတ်​ရ။ ၜိုန်​ဂှ်​လေ မူ​ပၟိက်​မ​နွံ​ရော။ ကဵု​ဗြဴ​ဂှ် မူ​ဟိုတ်​မ​ဟီု​အ​ရေဝ်​ရော သာ်​ဝွံ ဆ​ဗၞတ်​ညး​မွဲ​ဟွံ​သၟာန်​အိုတ်။ ၂၈ဗြဴ​ဂှ်​လေ စွံ​လဝ်​ဍာ်​နုၚ်​တုဲ စဴ​အာ​ပ္ဍဲ​ဍုၚ်​မ္ဂး ၂၉ညး​မ​ထ​ၜး​ပွ​ဆ​အဲ​ဍိက်​မ​ကေၚ်​ပ​အိုတ်​သီု​တံ​ဂှ် ကၠုၚ်​ရံၚ်​အိုတ်​ညိ။ တေံ​ညး​ဂှ်​လေ ဒှ်​ခ​ရေတ်​ဟွံ​သေၚ်​ဟာ သာ်​ဝွံ ဟီု​ကဵု​ညး​ဂ​မၠိုၚ်​တုဲ ၃၀ညး​ဂ​မၠိုၚ်​တံ​ဝွံ တိတ်​နူ​ဍုၚ်​တုဲ အာ​ပ္ဍဲ​ဇ​ရေၚ်​တဳ​လ​ပိုန်​အိုတ်​ရ။ ၃၁ကၠာ​ဟွံ​စိုပ်​ဂှ် တွး​တံ​ဝွံ ရာပ်​ၜါဲ​စ​ဏ​စ​ဂှ် စ​ညိ သာ်​ဝွံ ဒုၚ်​ဂုန်​အိုတ်​တုဲ ၃၂စ​ဏ​မၞး​တံ​ဟွံ​တီ​ဂှ် နွံ​ပ္ဍဲ​အဲ​ရောၚ်။ သာ်​ဝွံ ဟီု​ပၟိၚ်​ရ။ ၃၃ဟိုတ်​ဂှ်ရ တွး​တံ​ဝွံ ယြဴ​ညး​မွဲ​ဂှ် ပ​လံၚ်​စ​ဏ​စ​တုဲ​ရ​ဟာ။ သာ်​ဝွံ ဇ​ကု​ကဵု​ဇ​ကု​ဟီု​ဂး​ရၚ်​သ္ကံ​အိုတ်​တုဲ ၃၄ယေ​သှု​ဂှ်​လေ ဒ​ဒှ်​မ​ပ္တုဲ​ပၟိက်​ညး​မ​စ​ကာ​ဗ​လး​နၚ်​အဲ​ဂှ်​လေ​ကီု​ကေ​စ္စ​ညး​ဝွံ ဒ​ဒှ်​သၟိက်​ဂွံ​ကဵု​တုဲ​ဂှ်​လေ​ကီု​ဒှ်​စ​ဏ​စ​အဲ​ရ။ ၃၅နူ​ကဵု​လ​မုဟ်​ဂှ် လောန်​အာ​ပန်​ဂ​တု​တုဲ ဒှ်​ကာ​လ​မ​ရတ်​သြောံ​ရောၚ် သာ်​ဝွံ မၞး​တံ​မ​လေပ်​ဟီု​ဟွံ​သေၚ်​ဟာ။ အဲ​ဟီု​မ္ဂး​ဂှ် သွက်​ဂွံ​ရတ်​ဂှ် ဗ္ၚ​တံ​ဝွံ ဒ​ဒှ်​မ​ဍုဟ်​ဂဵု​ဒၟံၚ်​လ​မုဟ်​ဂှ် လၟဳ​ရံၚ်​အိုတ်​ရ။ ၃၆ညး​မ​ရတ်​သြောံ​တံ​ဝွံ ဂွံ​ဒုၚ်​ကေတ်​လိၚ်​တုဲ သွက်​ဂွံ​ဂျိုၚ်​လ​မျီု​ထာ​ဝ​ရ​ဂှ် ပ္ကောံ​သတ်​ဒ​ကောၚ်​အိုတ်​ရ။ ဒှ်​သာ်​ဂှ်​တုဲ ညး​မ​ဂြာတ်​မ​ကဵု​ညး​မ​ရတ်​သြောံ​ၜါ​ရဲ​တံ​ဝွံ အိုဟ်​တၟိုဟ်​စိုတ်​မွဲ​စွံ​အိုတ်​ရောၚ်။ ၃၇ညး​မွဲ​ရဲ​ဂှ် ဂြာတ်​မ​ရ။ ညး​မွဲ​ရဲ​ဂှ် ရတ်​သြောံ​ရ။ ဂ​လာန်​သာ်​ဂှ် ပ္ဍဲ​အ​ရာ​ဝွံ ဒှ်​သ္ဍာံ​သၟတ်​ရောၚ် ၃၈မၞး​တံ​ဝွံ ပ္ဍဲ​ဒေ​သ​ဇ​ကု​ဟွံ​ကၠောန်​ဂှ် သၟိက်​ဂွံ​ကဵု​ရတ်​မ္ဂး အဲ​စ​ကာ​ဗ​လး​ဏာ​မၞး​တံ​ရ။ ညး​တၞဟ်​သ္အာၚ်​တံ​ဂှ် ကၠောန်​ၜိုတ်​တုဲ မၞး​တံ​ဝွံ အ​ပ္ဍဲ​က​လောန်​ညး​တံ​ဂှ် လုပ်​အိုတ်​ရ။ သာ်​ဝွံ တွံ​ပၟိၚ်​ရ။ ၃၉ဗြဴ​သ​မာ​ရိ​ဂှ်​လေ ပွ​ဆ​အဲ​ဍိက်​မ​ကေၚ်​ပ​တံ​ဂှ် ညး​တ​မော်​ထ​ၜး​တုဲ​ရ သာ်​ဝွံ ဟိုတ်​နူ​ဂ​လာန်​မ​ဒုၚ်​သက်​သဳ​ဂှ် မၞိဟ်​သ​မာ​ရိ​ဗွဲ​မ​ဂၠိုၚ်​ညး​မ​မံၚ်​ပ္ဍဲ​ဍုၚ်​တေံ​ဂှ် ပ္တေဟ်​ယေ​သှု​အိုတ်​ရ။ ၄၀ဟိုတ်​ဂှ်ရ မၞိဟ်​သ​မာ​ရိ​တံ​ဝွံ စိုပ်​ဇ​ရေၚ်​တဳ​လ​ပိုန်​တုဲ ညံၚ်​ဂွံ​မံၚ်​ကောံ​ကု​ဇ​ကု​တံ​ဂှ် အာတ်​ပ္တီ​အိုတ်​ရ။ ပ္ဍဲ​ဒေ​သ​တေံ​ဂှ် တဳ​လ​ပိုန်​မံၚ်​ၜါ​တ္ၚဲ​ရ။ ၄၁ညး​တၞဟ်​သ္အာၚ်​ဗွဲ​မ​ဂၠိုၚ်​တံ​ဝွံ ဟိုတ်​နူ​ကဵု​တွဟ်​ဂ​လာန်​ပါၚ်​တဳ​လ​ပိုန်​ဂှ် ပ္တေဟ်​အိုတ်​တုဲ ၄၂ကဵု​ဗြဴ​တေံ​ဂှ် လ​မုဟ်​ဝွံ ပိုဲ​ညး​ဟိုတ်​နူ​ဂ​လာန်​မၞး​ဂှ် ပ္တေဟ်​ဟွံ​သေၚ်။ ဂ​လာန်​ညး​ဂှ် ဂွံ​မိၚ်​န​ကဵု​ဇ​ကု​တုဲ ညး​ဝွံ ဒ​ဒှ်​မ​ဒှ်​နာဲ​မ​ဟံၚ်​ပြာ်​ကောန်​လော​ကဳ​မ​တွံ​ဂး​ဒ​ဒှ်မ​ဒှ်​ခ​ရေတ်​သ္ဍာံ​သၟတ်​ဂှ် အဲ​ညး​တီ​ရောၚ် သာ်​ဝွံ ဟီု​အိုတ်​ရ။ ၄၃လောန်​အာ​ၜါ​တ္ၚဲ​တုဲ တိတ်​အာ​နူ​ဒေ​သ​ဂှ် မ္ဂး က္ည​အာ​ပ္ဍဲ​ရး​ဂါ​လိ​လဲ​ရ။ ၄၄ဟိုတ်​မ္ဂး​ဂှ်။ ပ​ရော​ဗက်​ဝွံ အ​ပ္ဍဲ​ရး​ဇ​ကု​မ​ဒၟံၚ်​ဂှ် စ​ရာဲ​ဟွံ​မွဲ သာ်​ဝွံ ဇ​ကု​ယေ​သှု​မ​ဒုၚ်​သက်​သဳ​ရ။ ၄၅ကာ​လ​မ​စိုပ်​ရး​ဂါ​လိ​လဲ​ဂှ် မၞိဟ်​ဂါ​လိ​လဲ​တံ​ဝွံ ဒုၚ်​တဲ​ကဵု​တဳ​လ​ပိုန်​အိုတ်​ရ။ ဟိုတ်​မ္ဂး​ဂှ် ညး​တံ​ဝွံ အ​ပ္ဍဲ​ဍုၚ်​ယေ​ရု​သ​လေၚ်​ပ္ဍဲ​ပေါဲ​ဂှ် မ​လေပ်​အာ​ဂှ်​ဒှ်​တုဲ ဆ​ယေ​သှု​မ​ပ​အ​ပ္ဍဲ​ပေါဲ​တေံ​ဂှ် ညာတ်​အိုတ်​ရ။ ၄၆ဒ​မံၚ်​ဒေ​သ​ဍာ်​မ​ကဵု​ဒှ်​ဍာ်​ဇ​ဗျေတ်​ပ္ဍဲ​ရး​ဂါ​လိ​လဲ​ပ္ဍဲ​ဍုၚ်​ကာ​ဏ​ဂှ် က္ည​အာ​မွဲ​ဝါ​ပၠန်​ရ။ ပ္ဍဲ​ဍုၚ်​က​ပေ​ရ​နောံ​ကောန်​အ​မာတ်​မွဲ​ဂှ် က္တဵု​ဒှ်​ယဲ​ရော​ဂါ​ရ။ ၄၇ယေ​သှု​ဝွံ နူ​ကဵု​ရး​ယု​ဍ​ဒ​ဒှ်​မ​စိုပ်​ရး​ဂါ​လိ​လဲ​ဂှ် အ​မာတ်​မိၚ်​တုဲ အာ​ပ္ဍဲ​ဇ​ရေၚ်​တဳ​လ​ပိုန်​မ္ဂး ပ္ဍဲ​ဒေ​သ​ကောန်​ဇ​ကု​မ​ယဲ​ဂှ် က္ည​အာ​တုဲ ဒ​ဒှ်​သၟိက်​ဂွံ​ကဵု​ဗၠး​သၠး​နူ​ကဵု​ယဲ​ရော​ဂါ​ဂှ် ဒုၚ်​ဂုန်​ရ။ ဟိုတ်​မ္ဂး​ဂှ် ကောန်​ဂှ် ချပ်​ချိုတ်​ရ။ ၄၈ယေ​သှု​ဂှ်​လေ မၞး​တံ​ဝွံ နိ​မိတ်​လက်​သန်​ကဵု​အ​ရာ​ဒှ်​တဴ​အံ​သဝ်​တံ​ဂှ် ဟွံ​ဂွံ​ညာတ်​မ္ဂး ဟွံ​ပ္တေဟ်​အိုတ် သာ်​ဝွံ ဟီု​ပၟိၚ်​တုဲ ၄၉တ​လ​အဲ​ကၠာ​ကောန်​အဲ​ဍိက်​ဟွံ​ချိုတ်​ဂှ် က္ည​အာ​ညိ သာ်​ဝွံ အ​မာတ်​ပ္တီ​ပၠန်​ရ။ ၅၀ယေ​သှု​ဂှ်​လေ အာ​ရ။ ကောန်​မၞး​ဂှ် ဂျိုၚ်​လ​မျီု​ရ သာ်​ဝွံ ဟီု​ပၟိၚ်​တုဲ အ​မာတ်​ဝွံ ဂ​လာန်​ယေ​သှု​မ​ဟီု​ဂှ် ပ္တေဟ်​တုဲ အာ​ရ။ ၅၁ပ္ဍဲ​မ​အာ​ပ္ဍဲ​ဂၠံၚ်​တ​ရဴ​ကောန်​ရဲ​ဂှ်ဇ​ကု​တံ​ဝွံ ကၠုၚ်​ဝါၚ်​ဒုၚ်​တ​လုၚ်​တုဲ ကောန်​တဳ​လ​ဂုန်​ဂှ် ဂျိုၚ်​လ​မျီု​တုဲ​ရ သာ်​ဝွံ ပ္တီ​အိုတ်​ရ။ ၅၂မူ​ပ​ယာံ​နာ​ဍဳ​ဂှ် စိုပ်​ဒ​ဒှ်​လ​လံ​သွာ​ရော သာ်​ဝွံ သၟာန်​တုဲ လက်​က​ဏေအ်​ထ​ပဟ်​နာ​ဍဳ​ဂှ် ယဲ​ဇွဟ်​ကၠေံ​အာ​ရောၚ် သာ်​ဝွံ ပ္တီ​အိုတ်​ရ။ ၅၃တေံ​ပ​ယာံ​ဂှ် ကောန်​မၞး​ဝွံ ဂျိုၚ်​လ​မျီု​တုဲ​ရ​ဒ​ဒှ်​မ​ဒှ်​ပ​ယာံ​ယေ​သှု​မ​ဟီု​ပၟိၚ်​ဂှ် ဂွံ​တီ​မ္ဂး မ​ပ္တံ​ကဵု​ဇ​ကု​ဂှ်​ဒှ်​တုဲ ဆ​မၞိဟ်​ပ္ဍဲ​သ္ၚိ​အိုတ်​သီု​တံ​ဝွံ စိုပ်​ဒ​ဒှ်​မ​ပ္တေဟ်​အိုတ်​ရ။ ၅၄တေံ​နိ​မိတ်​လက်​သန်​ဂှ် ယေ​သှု​ဝွံ က္ည​အာ​နူ​ရး​ယု​ဍ​ပ္ဍဲ​ရး​ဂါ​လိ​လဲ​တုဲ ဒ​ဒှ်​မ​ထ​ၜး​ဂှ် ဒှ်​နိ​မိတ်​လက်​သန်​ဒု​တိ​ယျ​ရောၚ်။