၁ဍုၚ်မကေၚ်ဍိုက်ပေၚ်ကဵု မၞိဟ်ဂဇံဒၟံၚ်လ္ၚုလ္ၚန်ရသွံ။ ဝုက်ကညာမဇၞော်ပြဲပ္ဍဲဂကူမၞိဟ်ဒှ်ညံၚ်ဗြဴကၟာဲရ။ နာဲဗြဴရးဂမၠိုၚ်ဒးကဵုအခေါန်ဖလှာရ။ ၂ပ္ဍဲအခိၚ်ဗ္တံ လရိုအ်ဂတေဝ်တုဲ၊ ကၞိၚ်ညးဍုက်ဍေက်ကဵုဍာ်ရမတ်ရ။ ပ္ဍဲကဝေၚ်ဂမၠိုၚ်တံဂှ် ညးမကဵုသၠာံ ဗဇးဆညးမွဲဟွံမွဲ။ မိတ်သဟာဲအိုတ်သီုတံဝွံ လီုသစ္စတုဲ ဒှ်သၞသတ်တြုအိုတ်ရ။ ၃ဝုတ်ကညာယုဍဝွံ ဟိုတ်မဒးဒုၚ်ပွမပယဲခရ။ ပွမဒုၚ်စကာသ္ကာတ်မြဟ်ဂှ် ပြံၚ်အာတုဲရ။ မံၚ်ပ္ဍဲမၞိဟ်မ္ၚးသာသနာဟွံဂွံလလံစိုတ်။ ပ္ဍဲဒၞာဲမက္ဍန်ဂြက်ဂှ် ညးမဗက်အိုတ်သီုတံဝွံ ဂတာပ်အိုတ်ရ။ ၄ဟိုတ်ဆညးမွဲဟွံကၠုၚ်ပ္ဍဲပေါဲသဘၚ်ဂှ်၊ ဂၠံၚ်ဇိအောန်တံဝွံ ကရောတ်က္သဝ်အိုတ်ရ။ တရၚ်ဍုၚ်ညးဆမနွံတံဝွံ မၞိဟ် သ္ၚိတ်ဇြဒၟံၚ်အိုတ်ရ။ ယတ်ပရောဟိတ် ညးတံဝွံလေ ကရောတ်က္သဝ်အိုတ်ရ။ ကောန်ဝုတ်ညးတံဂှ်လေ နွံစိုတ်ဂိက္တာန်တုဲ၊ ဇကုညးဝွံ နွံစိုတ်ဇြသ္ကဟ်ရ။ ၅ဟိုတ်ဒုဟ်ညးမမှာရာအာဂၠိုၚ်လောန်ဂှ် ကျာ်ထာဝရတပ်ဒန်တုဲ၊ ညးမပသၞကဵုညးတံဝွံ ဂွံအုပ်လဒံညးတုဲ၊ သတ်တြုညးတံဝွံ ဂွံခိုဟ်စအိုတ်ရ။ ကောန်ဇာတ်ညးတံဂှ်လေ သတ်တြုသီဏာတုဲရ။ ၆ဂုန်စရာဲကောန်ဝုတ်ဇိအောန်ဆမနွံဂှ် ကၠေံဗ္ဒန်အာရ။ ကောန်သၟီညးတံဝွံ ဒှ်ညံၚ်နဲမၚ်ဒြာဲမဂၠာဲ ပဏာၚ်ဟွံဆဵုတုဲ၊ ဒြဟတ်ဟွံမွဲ၊ ဒြေပ်အာပ္ဍဲဂတညး မဗက်ဂှ် အိုတ်ရ။ ၇ဍုၚ်ယေရုယှလေမ်ဝွံ ပ္ဍဲကာလမဒး ဒုၚ်ဒဒိုက်ပယဲခရဂှ်၊ တသိုက်ကေၚ်ဂွံဒုၚ်စကၠာဂှ် ဗှ်သၞာရ။ မၞိဟ်ညးတံဝွံ စိုပ် ပ္ဍဲတဲသတ်တြုတုဲ။ ကာလညး မထၜသဘာ်ဟွံမွဲ၊ ညးမပသၞသတ်တြုတံညာတ်အမှုညးတုဲ၊ ကာလညး မထၜသဘာ်ဟွံမွဲ၊ ညးမပသၞသတ်တြုတံညာတ်အမှုညးတုဲ၊ ပစရဵုပ္ဍဲလလေၚ်ညးအိုတ်ရ။ ၈ဍုၚ်ယေရုသှလေမ် ဟိုတ်ဒုဟ်မှာရာအာမဂၠိုၚ်လောန်ဂှ် ဒှ်ပွမဒအိုန်ဒရရ။ ညးမကေၚ်အဲပရဲညးအိုတ်သီုတံဝွံ ဟိုတ်မဂွံညာတ်ဇကုသၟးသၟးဂှ် ဟွံပမာနသက်သက်အိုတ်ရ။ ညးဝွံလေ ကရောတ်က္သဝ်တုဲ ကလေၚ်ဆုတ်အာလက်ကရဴရ။ ၉လက်သန်ညးမကၠိခ္ဍက်ၜိုန်မပြာကတ်ဂှ်လေ၊ ဒဒှ်မဒးဒုၚ်ကြဴဂှ်၊ ဟွံဗှ်သၞာ၊ ဟိုတ်ဂှ်ရ၊ ညးမကဵုဒြဟတ်ဟွံမွဲစိုပ် ပွမဗ္ဒေက်ဖျဝ်သီုမဒှ်အံသဝ်ရ။ အဵုကျာ်ထာဝရဒဒိုက်ဒုက္ခအဲဍိက်ဂှ် ရံၚ်မွဲညိ။ သတ်တြုဝွံ ထၜပ္တိုန်ဇကုတုဲရ။ ၁၀သတ်တြုဝွံ ပၠံၚ်ကေတ်ပိုန် ဟာန်ညးတုဲရ။ ဟွံဂွံလုပ်ပ္ဍဲပူရိသာတ် သာ်ဝွံ တဳလဂုန်မဆဳဒနာလဝ်တုဲ၊ မၞိဟ်မ္ၚးသာသနာ ဒဒှ်မလုပ်အာပ္ဍဲထာန ညးမသ္အးဇ္ၚးညးဂွံညာတ်တုဲရ။ မၞိဟ်ညးအိုတ်သီုတံဝွံ ကရောတ်က္သဝ်တုဲ ဂၠာဲထာနညးမသ္အးဇ္ၚးညးဂွံညာတ်တုဲရ။ ၁၁မၞိဟ်ညးအိုတ်သီုတံဝွံ ကရောတ်က္သဝ်တုဲ ဂၠာဲဒၟံၚ်ကွာၚ်အိုတ်ရ။ တၞဟ်နသၟိက်ဂွံဗၠးဘဲဂမ္စိုတ်ဂှ် ပိုန်ဟာန်ဇကုထောံကၠေံသွက်စဏစရ။ အဵုကျာ်ထာဝရ၊ ဟိုတ်အဲဍိက်မဒးဒုၚ်ပျုတ်ဗ္ဒေက်ဂှ် ရံၚ်မွဲစၚ်ခြၚ်တဴညိ။
၁၂အဵုညးမကွာ်ဂၠံၚ်တရဴအိုတ်သီုတံ၊ ရံၚ်မွဲစၚ်ခြၚ်အိုတ်ရ။ ကျာ်ထာဝရဝွံ ပ္ဍဲတ္ၚဲပၞောတ်ဗွဲသ္ကာတ်မြဟ်မတိတ်ဂှ် ပျဲပျာံအဲတုဲ၊ ဒဒိုက်ဒုက္ခတုပ်ကဵုဒဒိုက်ဒုက္ခမကဵုအဲဒုၚ်ဂှ် နွံဟာ။ ၁၃နူလတူဂှ် ဗလးနၚ်ပၟတ်ပ္ဍဲဇုတ်အဲတုဲ ကဵု သၠေက်သၠံၚ်တုဲရ။ တၞဟ်နသၟိက်ကဵုဒး ဇိုၚ်အဲဂှ် တေဝ်လယအ်တုဲ ကဵု အဲကလေၚ်ဂတးတုဲရ။ အလုံမွဲတ္ၚဲ၊ ဒဒှ်စိုတ်မဇြသ္ကဟ်၊ ဒဒှ်မလီုစိုတ်ဂှ် ကဵုဒှ်ပ္ဍဲအဲတဴရ။ ၁၄ဒလေၚ်ဒုဟ်အဲမမှာရာအာဂှ် နကဵုတဲတဳလပိုန်ဂှ် ဗ္ဂန်ပ္ဍဲလတူ ကအ်အဲတုဲ စန်ဒက်ရ။ ကျာ်ထာဝရကဵုဒြဟတ်အဲဍိုန်အာတုဲ၊ ပ္ဍဲတဲညးအဲဆဳဒနာဟွံမာန်ဂှ် ကဵုစိုပ်တဴရ။ ၁၅ကျာ်ထာဝရဝွံ အပ္ဍဲအဒေါဝ်အဲဂှ် ဂါံသရုၚ်သရာဲအဲအိုတ်သီုတံဂှ်ရ။ တၞဟ်နသၟိက်ဂွံဍဵုဍိုက်မၞိဟ် ဗၠာဲအဲတံဂှ် ကော်ပကောံဒရီုမၞိဟ်တုဲရ။ ကျာ်ထာဝရဝွံ လိုန်ဖျေံဝုတ်ကညာယုဍ ပ္ဍဲဒၞာဲမလိုန်ဖျေံ သတ်ဇဗျေတ်တုဲရ။ ၁၆ဟိုတ်နူဂှ် အဲလရိုအ်ယာံရ။ ဍာ်ရမတ်စှ်ေဒၟံၚ်ရ။ ထံက်မလမျီုအဲတုဲ၊ ညးမကဵုအဲလလံသွာဂွံသ္ဍောဲနူအဲရ။ ဟိုတ်သတ်တြုမဇၞးဂှ် ကောန်ဇာတ်အဲတံဝွံ လဵုကၠေံဗ္ဒန်အိုတ်ရ။ ၁၇ဝုတ်ကညာဇိအောန်ဝွံ ၜိုန်မပၠးတဲဇကုတံဂှ်လေ၊ ညးမသၠာံဗဇးဟွံမွဲ။ ကျာ်ထာဝရဝွံ ပွဳဗွိုၚ်ယျာကောပ်ဂှ် ခါန်ကၞက်လဝ်သၞသတ်တြုတုဲရ။ ဍုၚ်ယေရုသှလေမ်ဝွံ ပ္ဍဲညးတံဂှ် ဒှ်ပွမဒအိုန်ဒရရ။ ၁၈ကျာ်ထာဝရဝွံ စဳရေၚ်ဗွဲမသ္တပ်လ္ဂူတဴရ။ အဲဝွံ ခလိုၚ်လောန်ဒးပညပ်တဳလပိုန်တုဲရ။ ဂကူမၞိဟ်အိုတ်သီုတံ၊ ကလၚ်တုဲ ဒုက္ခအဲဂှ် စၚ်ခြၚ်အိုတ်ရ။ ဝုတ်ဗၠာဲအဲတံဂှ် သီဏာအိုတ်တုဲရ။ ၁၉အဲဝွံ ကော်ကဝေၚ်အဲတံဂှ်တုဲ ညးတံဝွံ သစ္စဟွံမွဲအိုတ်။ ယတ်ပရောဟိတ် အဲကဵုညး အယုက်မဇၞော်အဲတံဝွံ ပ္ဍဲမဂၠာဲစဏသွက်ဂွံဂျိုၚ်လမျီုဂှ် အိုတ်သ္ကန် ပ္ဍဲဍုၚ်တုဲရ။ ၂၀အဵုကျာ်ထာဝရရံၚ်မွဲတဴညိ။ အဲဍိက်ဍောၚ်စိုတ်ရ။ ပ္ဍဲဂၞဴဂှ် တၞံဒၟံၚ်ရ။ စိုတ်ဂတးဒၟံၚ်ရ။ အဲဍိက်မှာရာအာဗွဲမလောန်တုဲရ။ ဗွဲပ္ဍဲဂှ်လေ ညံၚ်နဲသၟီဂမ္စိုတ်ဂှ် မနွံမံၚ်ရ။ ၂၁ပ္ဍဲည မမိၚ်ရမျှာၚ်အဲဍိက်မကရောတ်ကသဝ်တံဂှ် ညးမသၠာံ ဗဇးကဵုဆမွဲဟွံမွဲ။ အမှုမစိုပ်ပ္ဍဲအဲဍိက်ဂှ် သတ်တြု အဲဍိက်အိုတ်သီုတံဝွံ မိၚ်အိုတ်တုဲရ။ ဒဒှ်တဳလဂုန်မပဂှ် ညးတံမိပ်စိုတ်အိုတ်ရ။ ကာလတဳလဂုန်စိုပ်တ္ၚဲမသၟောဲလဝ်ဂှ်၊ တဳလဂုန်မပဂှ် ညးတံမိပ်စိုတ်အိုတ်ရ။ ကာလတဳလဂုန်မကဵုစိုပ် တ္ၚဲမသၟောဲလဝ်ဂှ်၊ တဳလဂုန်၊ ကဵုညးတံဒှ်ညံၚ်အဲဍိက်ညိ။ ၂၂ဒုစရိုတ်ညးတံအိုတ်သီုတံဂှ် စၟဳစၟောတ်တဴညိ။ ဟိုတ်နူဒုဟ်ဆအဲဍိက်မှာအာဒးဂှ်၊ ညံၚ်နဲတဳလဂုန် မပပ္ဍဲအဲဍိက်ဂှ် ပတဴပ္ဍဲညးတံညိ။ ပွအဲဍိက်မကရောတ်ကသဝ်ဂၠိုၚ်တိုန်တုဲ လီုဒၟံၚ်စိုတ်ရ။