၁ကောန်ဂကူဣသရေလတံဝွံ၊ တိတ်နူရးအာဲဂုတ္တုတုဲ၊ သၞာံဒုတိယ၊ ဂိတုဒုတိယ၊ တ္ၚဲပထမပ္ဍဲဂြိုပ်သိဏဂှ်၊ ကျာ်ထာဝရဝွံ ပ္ဍဲတာဲပူရိသာတ်တံမကောံဒရီု၊ ၂ဟီုပၟိၚ်ကဵုမဝ်သှေမ္ဂးဂှ်၊ မၞးကဵုအာရောန်ဝွံ၊ ပ္ဍဲပူရိသာတ်ကောန်ဂကူဣသရေလတံဂှ်။ ၃လောန်အယုက်ၜါစှ်ောသၞာံတုဲ၊ မၞိဟ်တြုံမဗ္တိုက်ပၞာန်မာန်တံဂှ်၊ အတိုၚ်ကလောဝေါၚ်သညး တၞဟ်ကေတ်စရၚ်မ္ဂး ပြုပြေၚ်ဒပ်တုဲရိုဟ်တော်ရ။ ၄ဂကူဝေါၚ်သတၞဟ်မွဲဂကူဂှ် ညးမွဲ။ ပ္ဍဲဂကူဝေါၚ်သဇကုညးမဒှ်မၞိဟ်ဇၞော်တံဂှ်၊ ကဵုထၜသ္ဘာ်မၞးတံမွဲစွံတုဲ၊ တေံအမှုတံဂှ် ဒးယိုက်ဂၠေၚ်ရောၚ်။ ၅ညးမထၜသ္ဘာ်ယိုက်ဂၠေၚ်အမှုပ္ဍဲကဵုမၞးတံမွဲစွံမ္ဂးဂှ်၊ ဂကူရုၜေန်၊ ကောန်သှေဒုရဨလိဇုရ။ ၆ဂကူသှိမောန် ကောန်ဇုရိသှါဒ္ဒါဲသှေလုမျေလ။ ၇ဂကူယုဍ၊ ကောန်အမိနဍပ်နာသှောန်။ ၈ဂကူဣသခါ၊ ကောန်ဇုအာ၊ နာထနေလ။ ၉ဂကူဇာၜုလုန်၊ ကောန်ဟေလောန်၊ ဨလျာၜ။ ၁၀ပ္ဍဲကောန်ယဝ်သေပ်၊ ဂကူဨဖရိမ်၊ ကောန်အမိဟုဒ်၊ ဨလိသှမာ၊ ဂကူမနာသှေကောန်ပေဍာဇုရ၊ ဂါမလျေလ၊ ၁၁ဂကူၜေန်ယာမိန်၊ ကောန်ဂိဍောနိ၊ အၜိဍာန်။ ၁၂ဂကူဍာန်ကောန်အမိသှါဒ္ဒါဲအဟေဇာ။ ၁၃ဂကူအာသှာ၊ ကောန်သြဝ်ကရာန်၊ ပါဂျေလ။ ၁၄ဂကူဂါတ်၊ ကောန်ဒွေလ။ ဨလျာသာပ်။ ၁၅ဂကူနာပ္တလိ၊ ကောန်ဨနာန်၊ အဟိရမဒှ်ရ။ ၁၆တေံညးတံဝွံ ညးမဒယှ်တှ်ပ္ဍဲပူရိသာတ်ဒှ်သၟီဇၞော်ဂကူဝေါၚ်သတုဲ၊ ပ္ဍဲကဵုကောန်ဂကူဣသရေလညးမဂွံအုပ်လဒံမၞိဟ်မွဲလ္ၚီဂှ် မဒှ်ရ။
၁၇တေံညးတံဝွံ အတိုၚ်မရုဲယၟုတံဂှ်၊ မဝ်သှေကဵုအာရောန်ကော်တုဲ၊ ၁၈ဂိတုဒုတိယ ပ္ဍဲတ္ၚဲပထမပူရိသာတ်ဂမၠိုၚ်တံဂှ် ကောံဒရီုတုဲ၊ တမော်ထၜးကဵုစရၚ်ကလောဝေါၚ်သတံမ္ဂး၊ ယၟုအယုက်ညးမလောန်အာၜါစှ်ောသၞာံဂှ် သမ္တီလၟိဟ်တုဲ၊ ၁၉ကျာ်ထာဝရဝွံ အတိုၚ်မဗ္ကန်လဝ်ကဵုမဝ်သှေဂှ်၊ ရိုဟ်တော်ကောန်ဂကူဣသရေလတံပ္ဍဲဂြိုပ်သိဏဂှ်ရ။ ၂၀ပ္ဍဲကဵုကောန်ဂကူရုၜေန်ကောန်ဂၠုဣသရေလဂှ်၊ ဗက်ကလောဝေါၚ်သတၞဟ်တၞဟ်တုဲ၊ အတိုၚ်သမ္တီလဝ်ယၟုပ္ဍဲစရၚ်ဂှ်၊ ၂၁မၞိဟ်တြုံမဗ္တိုက်ပၞာန်မာန်လောန်အာ အယုက်ၜါစှ်ောသၞာံလၟိဟ်ပန်လက်တရဴ လ္ၚီမသုန်ကၠံမနွံအိုတ်ရ။ ၂၂ပ္ဍဲကဵုကောန်ဂကူသှိမောန်ဗက်ကဵုကလောဝေါၚ်သတၞဟ်တၞဟ်တုဲ အတိုၚ်သမ္တီလဝ်ယၟုပ္ဍဲစရၚ်ဂှ်၊ ၂၃လောန်အာအယုက်ၜါစှ်ောသၞာံတုဲ၊ မၞိဟ်တြုံမဗ္တိုက်ပၞာန်မာန်မနွံမၞိဟ်မသုန်လက်ဒစိတ်လ္ၚီပိကၠံရ။ ၂၄ပ္ဍဲကဵုကောန်ဂကူဂါတ်၊ ဗက်ကဵုကလောဝေါၚ်သတၞဟ်တၞဟ်တုဲ၊ အတိုၚ်သမ္တီလဝ်ယၟုပ္ဍဲစရၚ်ဂှ်၊ ၂၅လောန်အာအယုက်ၜါစှ်ောသၞာံတုဲ၊ မၞိဟ်တြုံမဗတိုတ်ပၞာန်မာန်မနွံလမိဟ်ပန်လက်မသုန်စှ်ောရ။ ၂၆ပ္ဍဲကဵုကောန်ဂကူယုဍ၊ ဗက်ကဵုကလောဝေါၚ်သတၞဟ်တၞဟ်တုဲ၊ အတိုၚ်သမ္တီလဝ်ယၟုပ္ဍဲစရၚ်ဂှ်။ ၂၇လောန်အာအယုက်ၜါစှ်ောသၞာံတုဲ။ မၞိဟ်တြုံမဗတိုက်ပၞာန်မာန်မနွံလၟိဟ်ထပဟ်လက်ပန်လ္ၚီတရဴကၠံရ။ ၂၈ပ္ဍဲကဵုကောန်ဂကူဣသခါတံဂှ်၊ ဗက်ကဵုကလောဝေါၚ်သတၞဟ်တၞဟ်တုဲ၊ အတိုၚ်သမ္တီလဝ်ယၟုပ္ဍဲစရၚ်ဂှ်၊
၂၉လောန်အာအယုက်ၜါစှ်ောသၞာံတုဲ၊ မၞိဟ်တြုံမဗ္တိုက်ပၞာန်မာန်မနွံလၟိဟ်မသုန်လက်ပန်လ္ၚီပန်ကၠံရ။ ၃၀ပ္ဍဲကဵုကောန်ဂကူဇာၜုလုန်တံဂှ်၊ ဗက်ကဵုကလောဝေါၚ်သတၞဟ်တၞဟ်တုဲ။ အတိုၚ်သမ္တီလဝ်ယၟုပ္ဍဲစရၚ်ဂှ်။ ၃၁လောန်အာအယုက်ၜါစှ်ောသၞာံတုဲ၊ မၞိဟ်မဗ္တိုက်ပၞာန်မာန်မနွံလၟိဟ်မသုန်လက်ၜါလ္ၚီပန်ကၠံရ။ ၃၂ညးမဆက်ဆေန်ကၠုၚ်နူယဝ်သေပ်ကောန်ဂကူဨဖရိမ်တံဂှ်၊ ဗက်ကဵုကလောဝေါၚ်သတၞဟ်တၞဟ်တုဲ၊ အတိုၚ်သမ္တီလဝ်ယၟုပ္ဍဲစရၚ်ဂှ်၊ ၃၃လောန်အာအယုက်ၜါစှ်ောသၞာံတုဲ၊ မၞိဟ်မဗတိုက်ပၞာန်မာန်မနွံလၟိဟ်ပန်လက်မသုန်ကၠံရ။ ၃၄ပ္ဍဲကဵုကောန်ဂကူမနာသှေတံဂှ်၊ ဗက်ကဵုကလောဝေါၚ်သတၞဟ်တၞဟ်တုဲ အတိုၚ်သမ္တီလဝ်ယၟုပ္ဍဲစရၚ်ဂှ်၊ ၃၅လောန်အာအယုက်ၜါစှ်ောသၞာံတုဲ၊ မၞိဟ်တြုံမဗတိုက်ပၞာန်မာန်မနွံလၟိဟ်ပိလက်ၜါလ္ၚီၜါကၠံရ။ ၃၆ပ္ဍဲကဵုကောန်ဂကူၜေန်ယာမိန်တံဂှ်၊ ဗက်ကဵုကလောဝေါၚ်သတၞဟ်တၞဟ်တုဲ၊ ၃၇အတိုၚ်သမ္တီလဝ်ယၟုပ္ဍဲစရၚ်ဂှ်၊ လောန်အာနူအယုက်ၜါစှ်ောသၞာံတုဲ၊ မၞိဟ်တြုံမဗတိုက်ပၞာန်မာန်မနွံလၟိဟ်ပိလက်မသုန်လ္ၚီပန်ကၠံရ။ ၃၈ပ္ဍဲကဵုကောန်ဂကူဍာန်တံဂှ်၊ ဗက်ကဵုကလောဝေါၚ်သတၞဟ်တၞဟ်တုဲ၊ အတိုၚ်သမ္တီလဝ်ယၟုပ္ဍဲစရၚ်ဂှ်။ ၃၉လောန်အာအယုက်ၜါစှ်ောသၞာံတုဲ၊ မၞိဟ်တြုံမဗ္တိုက်ပၞာန်မာန်မနွံလၟိဟ်တရဴလက်ၜါလ္ၚီထပဟ်ကၠံရ။ ၄၀ပ္ဍဲကဵုကောန်ဂကူအာသှာတံဂှ်၊ ဗက်ကဵုကလောဝေါၚ်သတၞဟ်တၞဟ်တုဲ၊ အတိုၚ်သမ္တီလဝ်ယၟုပ္ဍဲစရၚ်ဂှ်၊ ၄၁လောန်အာအယုက်ၜါစှ်ောသၞာံတုဲ မၞိဟ်တြုံမဗ္တိုက်ပၞာန်မာန်မနွံလၟိဟ်ပန်လက်မွဲလ္ၚီမသုန်ကၠံရ။ ၄၂ပ္ဍဲကဵုကောန်ဂကူနာပ္တလိတံဂှ်၊ ဗက်ဂကူဝေါၚ်သတၞဟ်တၞဟ်တံဂှ်တုဲ၊ အတိုၚ်သမ္တီလဝ်ယၟုပ္ဍဲစရၚ်ဂှ်၊ ၄၃လောန်အာအယုက်ၜါစှ်ောသၞာံတုဲ၊ မၞိဟ်တြုံမဗ္တိုက်ပၞာန်မာန်တံဂှ် မနွံလၟိဟ်မသုန်လက်ပိလ္ၚီပန်ကၠံရ။ ၄၄မပ္တံကဵုမဝ်သှေကဵုအာရောန်တံဂှ်တုဲ။ ပ္ဍဲဂကူဣသရေလညးမဒှ်သၟီဇၞော်ဂကူဝေါၚ်သစှ်ၜါဇကုတံဝွံ၊ ၄၅ကဵုကောန်ဂကူဣသရေလဂမၠိုၚ်တံဂှ် ဗက်ကဵုကလောဝေါၚ်သရိုဟ်တော်တုဲ၊ အတိုၚ်မကေတ်စရၚ်ဂှ်။ ၄၆လောန်အာအယုက်ၜါစှ်ောသၞာံတုဲ၊ လၟိဟ်မၞိဟ်မဗ္တိုက်ပၞာန်မာန်မ္ဂးဂှ်၊ ဒှ်တရဴကိုတ်ပိလ္ၚီမသုန်ကၠံမသုန်စှ်ောရ။
၄၇ကောန်လေဝိတံဝွံ၊ အတိုၚ်ဇုဇဗဴလဂှ် ဟိုတ်ဟွံဂွံလုပ်စရၚ်မ္ဂးဂှ်။ ၄၈ကျာ်ထာဝရဟီုပၟိၚ်ကဵုမဝ်သှေမ္ဂးဂှ်၊ ၄၉ကောန်လေဝိတံဝွံ နှဴရဴကဵု ကောန်ဂကူဣသရေလတံဂှ်တုဲ ဟွံဂွံရိုဟ်တော်။ ပ္ဍဲစရၚ်ဂှ် ဟွံဂွံပၠုပ်။ ၅၀ပ္ဍဲကောန်လေဝိတံတာဲမဒုၚ်သက်သဳဂှ်လေကီု၊ အပေါတ် ကြိယျာ တာဲဆမနွံတံဂှ်လေကီု၊ ဆမဆေၚ်စပ်ကဵုတာဲတံဂှ်လေကီုပအပ်တုဲ။ ညးတံဝွံ တာဲကဵုအပေါတ်ကြိယျာတာဲတံဂှ် ဒးယိုက်ဂၠေၚ် ကေတ်အိုတ်ရောၚ်။ အမှုတာဲဂှ်လေ ဒးယိုက်ဂၠေၚ်ရောၚ်။ ကာလမဖျေံဒပ်။ ပ္ဍဲပွဳပွိုၚ်တာဲဂှ် မဒးဖျေံဒၞါဲဇကုအိုတ်ရောၚ်။ ၅၁ကာလမစိုပ်အခိၚ်ဒးကေတ်ဏာတာဲဂှ်မ္ဂး၊ ကောန်လေဝိတံဝွံ ဒးရုပ်သီရောၚ်။ ကာလမစိုပ်အခိၚ်မဒးဖျေံဒၞာဲ၊ ဒးပ္တဴအိုတ်ပၠန်ရောၚ်။ ဝေၚ်နူကောန်ဂကူလေဝိ၊ ကောန်ဂကူတၞဟ်သ္အာၚ်သြပ်လုပ်ကၠုၚ်မ္ဂး ဒးဒုၚ်ဂစိုတ်ရောၚ်။ ၅၂ကာလကောန်ဂကူဣသရေလတံမဖျေံဒပ်၊ အလုံမွဲဗဵုလဗးဇၟာပ်မၞိဟ်ပ္ဍဲဒပ်မဆေၚ်ကဵုဇကု၊ ပ္ဍဲဇရေၚ်အလာံမဆေၚ်ကဵုဇကုဒးပ္တဴတာဲဇကုရောၚ်။ ၅၃ပ္ဍဲလတူပူရိသာတ် ကောန်ဂကူဣသရေလတံမကောံဒရီု၊ ညံၚ်ဟွံဂွံက္တဵုဒှ်ပၞောတ်ဒေါသဂှ်၊ ကောန်လေဝိတံဝွံ၊ ဖျေံဒၞာဲပွဳပွိုၚ်တာဲ မဒုၚ်သက်သဳဂှ်တုဲ၊ ဒးမၚ်မွဲတာဲမဒုၚ်သက်သဳဂှ်ရောၚ်။ ၅၄သာ်ဝွံ အတိုၚ်ကျာ်ထာဝရမဗ္ကန်လဝ်ကဵုမဝ်သှေဂှ်၊ ကောန်ဂကူဣသရေလတံဝွံ ပအိုတ်ရ။