သၠ​ပတ်​ဆာ​လာမ် ၄၄

၁အဵု​ကျာ်​ဂ​မျိုၚ်၊ အ​ပ္ဍဲ​ကာ​လ​မ​က​လိ​လောန်​ကၠုၚ်​တုဲ​ဂှ်၊ ပွ​တဳ​လ​ပိုန်​မ​ပ​ပ္ဍဲ​လက်​ထက်​ဗဴ​လ​ဂ​မၠိုၚ်​တံ​ဂှ် ညး​တံ​ဟီု​တုဲ၊ ပိုဲ​ဍိက်​တံ​ဝွံ မိၚ်​န​ကဵု​က္တောဝ် အိုတ်​တုဲ​ရ။ ၂ဂ​ကူ​ဝေါၚ်​သ​တၞဟ်​သ္အာၚ်​တံ​ဂှ် ဗက်​ပ္တိတ်​န​ကဵု​တဲ​တဳ​လ​ပိုန်​တုဲ၊ ဗဴ​လ​ပိုဲ​ဂ​မၠိုၚ်​တံ​ဂှ် ဖျေံ​ကဵု​ဒၞာဲ​ရ။ ဂ​ကူ​ဝေါၚ်​သ​တၞဟ်​သ္အာၚ်​တံ​ဂှ် ဍိုက်​ဍုန်​တုဲ၊ ဗဴ​လ​ဂ​မၠိုၚ်​တံ​ဂှ် ကဵု​ပြး​ချာဲ​ရ။ ၃ညး​တံ​ဝွံ န​ကဵု​သ္ဇၚ်​ဇ​ကု​ဂှ် ဂွံ​အ​ဝဵု​တိ​ဟွံ​သေၚ်။ န​ကဵု​တဲ​ဇ​ကု​ဂှ် ပြာ်​ပ္တိုန်​ဇ​ကု​ဂှ် ဟွံ​သေၚ်။ ဟိုတ်​နူ​ပၟိက်​တဳ​လ​ပိုန်​နွံ​တုဲ၊ န​ကဵု​တဲ​သ္တုံ​ကဵု​လ​ယး​မု​က္ခ​ဝါ တဳ​လ​အဲ​ဂှ် ဟံၚ်​ပြာ်​ညး​တံ​ဂှ်​ရ။ ၄အဵု​ကျာ်​ဂ​မျိုၚ်၊ တဳ​လ​ပိုန်​ဝွံ ဒှ်​ဨ​က​ရာတ်​အဲ​ဍိက်​ရ။ စဳ​ရေၚ်​ဒ​တိတ်​ဒ​ဒှ်​မ​ဟံၚ်​ပြာ်​ဂ​ကူ​ယျာ​ကောပ်​ညိ။ ၅န​ကဵု​တဳ​လ​ပိုန် ပိုဲ​ဍိက်​တံ​ဝွံ ဂ​ရိုဟ်​ဖျေံ​သတ်​တြု​တံ​ဂှ်​ရောၚ်။ န​ကဵု​နာ​မ​တဳ​လ​ပိုန်​ဂှ် အ​ခေါၚ်​ဂွံ​လိုန်​ညး​မ​ပ​သတ်​တြု​တံ​ဂှ် ဂွံ​ရောၚ်။ ၆ကဵု​တ္ၚ​မ​နွံ​ပ္ဍဲ​ဇ​ကု​ဂှ် အဲ​ဍိက်​ဟွံ​ပ​သ​လဲ။ သ္ဇၚ်​ဇ​ကု​ဂှ် ဟွံ​ဂွံ​ပြာ်​အဲ​ဍိက်။ ၇တဳ​လ​ပိုန်​ရောၚ် ပြာ်​ဗ​လး အဲ​ဍိက်​နူ​တဲ​သတ်​တြု​ရ။ ညး​မ​က္ဍုဟ်​မၠေံ​ပိုဲ​ဍိက်​တံ​ဂှ်​လေ တဳ​လ​ပိုန်​မ​ကဵု​က္ဍိုက်​ဂွ​ရ။ ၈ပိုဲ​ဍိက်​တံ​ဝွံ ပ္ဍဲ​ကဵု​ကျာ်​ဂ​မျိုၚ်​သ္အဵု​သ္အာ်​ဒၟံၚ်​ဟွံ​သ္ဂုတ်​တုဲ၊ နာ​မ​တဳ​လ​ပိုန်​ဂှ် ထိုၚ်​သး​လ​မိုန်​ကာ​လ​အိုတ်​ရ။

၉ၜိုန်​ဂှ်​လေ တဳ​လ​ပိုန်​ဝွံ ထောံ​ကၠေံ​ပိုဲ​ဍိက်​တံ​တုဲ မ​ကဵု​က္ဍိုက်​ဂွ​တုဲ​ရ။ ကဵု​ဗဵု​လ​ဗး​ပိုဲ​ဍိက်​တံ​မွဲ​စွံ​တဳ​လ​ပိုန်​ဟွံ​က္ည​အာ။ ၁၀ပ္ဍဲ​ဂ​တ​သတ်​တြု​ဂှ် တဳ​လ​ပိုန်​ကဵု​ပိုဲ​ဍိက်​တံ​ဒြေပ်​က​လေၚ်​တုဲ၊ ညး​မ​က္ဍုဟ်​တံ​ဝွံ ဂွံ​ပၠံၚ်​ၜး​ကေတ်​အ​တိုၚ်​ပၟိက်​ဇ​ကု​အိုတ်​ရ။ ၁၁ညံၚ်​နဲ​မ​ပ္အပ်​ဏာ သဵု​ဂ​မၠိုၚ်​သွက်​ဂွံ​စ​ဂှ် ပ္အပ်​ဏာ​ပိုဲ​ဍိက်​တံ​တုဲ၊ အ​ပ္ဍဲ​ဂ​ကူ​တၞဟ်​သ္အာၚ်​တံ​ဂှ် အိုတ်​ဇၟာပ်​ဒေ​သ​မ​ကဵု​ပြး​ချာဲ​တဴ​ရ။ ၁၂မၞိဟ်​တဳ​လ​ပိုန်​ဝွံ ဟွံ​ဒုၚ်​ၚုဟ်​မး​သွံ​စ​တုဲ၊ န​ကဵု​မ​သွံ​စ​ဂှ် တဳ​လ​ပိုန်​မ​ကဵု​ဒ​တုဲ​ကၟဝ်​ဇၞော်​မောဝ်​ဟွံ​သေၚ်။ ၁၃ပိုဲ​ဍိက်​တံ​ဂှ် ဒ​မံၚ်​သွက်​သ္ၚိ​ရေၚ်​မွဲ​စွံ​ဂွံ​စော​ဒ​နာ၊ ညး​မ​မံၚ်​ဝုတ်​ဒိုဟ်​တံ​ဝွံ ပ​စ​ရဵု​တုဲ၊ တၞဟ်​န​သၟိက်​ကဵု​ဒှ်​ဒ​မံၚ်​မ​က္ဍိုက်​ဂွ​ဂှ် တဳ​လ​ပိုန်​စဳ​ရေၚ်​ရ။ ၁၄ဂ​ကူ​တၞဟ်​သ္အာၚ်​တံ​ဝွံ အ​ခေါၚ်​ဂွံ​ပ​ဂ​လာန်​ပုံ​ပၟာ​ကဵု​ပိုဲ​ဍိက်​တံ​ဂှ်၊ ဂ​ကောံ​မၞိဟ်​တံ​ဝွံ အ​ခေါၚ်​ဂွံ​ဂ​ညိက်​က္ဍိုပ်​ဂှ် တဳ​လ​အဲ​မ​ကဵု​လဝ်​ရ။ ၁၅ဟိုတ်​နူ​ဂ​လာန်​ညး​မ​စော​ဒ​နာ​ကဵု​ညး​မ​ပ​လီု​စ​ရာဲ​ဂှ်​လေ​ကီု၊ ၁၆ဟိုတ်​နူ​မုက်​ညး​မ​ပ​သတ်​တြု​ကဵု​ညး​မ​ပ​လန်​ဂှ်​လေ​ကီု၊ အဲ​ဍိက်​ဝွံ ဒ​ဒှ်​ဇ​ကု​မ​က္ဍိုက်​ဂွ​ဂှ် ဒး​ပ​ဒ​ၚေါဝ်​မတ်​လ္အိတ်​တွဵု​ရောၚ်။ န​ကဵု​မ​ဂွ​မုက်​ဂှ် ဒး​တ​ဏီ​ဒၟံၚ်​ရ။

၁၇ဆ​ဗၞတ်​ဂှ် ဒး​ဒုၚ်​ၜိုန်​ဒှ်​ကီု၊ ပိုဲ​ဍိက်​တံ​ဝွံ ဟွံ​ဝိုတ်​လ​လုဲ​တဳ​လ​ပိုန်။ သ​စ္စ​တဳ​လ​အဲ​ဂှ် ဟွံ​ပ​လီု။ ၁၈စိုတ်​ဟွံ​ဆုတ်​က​လေၚ်​လက်​က​ရဴ။ ဟွံ​ဗၠေတ်​အာ​နူ​ဂၠံၚ်​တဳ​လ​ပိုန်။ ၁၉တဳ​လ​ပိုန်​မ္ဂး​ဂှ်၊ ပ္ဍဲ​ဒ​မံၚ်​ဒေ​သ​ကၠဵု​တိ​မ​မံၚ်​ဂှ် ဝး​ပ​ကဝ်​ဍိုက်​ဍုန် ပိုဲ​ဍိက်​တံ​တုဲ၊ န​ကဵု​သ​မၞိၚ်​ဒ​ဒှ်​မ​ချိုတ်​ဂှ် တဳ​လ​ပိုန်​ဂြောပ်​ဒ​လီု​တဴ​ရ။ ၂၀ပိုဲ​ဍိက်​တံ​ဝွံ နာ​မ​ကျာ်​ဂ​မျိုၚ်​ဇ​ကု​ဂှ် မ​ဝိုတ်​လ​လုဲ​အာ​တုဲ၊ ပ္ဍဲ​ထာန်​ကျာ်​ဂ​ကူ​တၞဟ်​သ္အာၚ်​တံ​ဂှ် ပၠး​တဲ​သ္ဍာံ​သၟတ်​မ္ဂး၊ ၂၁အ​ရာ​မ​ပ​ဏုက်​လဝ်​စိုတ်​တံ​ဂှ် ကျာ်​ဂ​မျိုၚ်​မ​တီ​ကေတ်​ဂှ်​ဒှ်​တုဲ၊ ပွ​ဂှ် တဳ​လ​ပိုန်​ဟွံ​စၟတ်​ဂှ် မံၚ်​ကေတ်​ဟာ။ ၂၂ဒှ်​ကွေံ​သ္ဍာံ​သၟတ် အ​ကွက်​တဳ​လ​ပိုန်​ဂှ် ပိုဲ​ဍိက်​တံ​ဝွံ ဟွံ​ပိုတ်​ဟွံ​သ္ဂုတ်​ဒး ဒုၚ်​ဂ​စိုတ်​အိုတ်​ရ။ ညံၚ်​ရဴ​သဵု​ညး​မ​စွံ​သွက်​ဂွံ​ဂ​စိုတ်​ဂှ် ပိုဲ​ဍိက်​တံ​ဂှ် ညး​တၞဟ်​မ​လေပ်​သၠေဟ်​သ​မ္တီ​အိုတ်​ရ။

၂၃အဵု​ကျာ်​နာဲ​ပိုဲ၊ ၚုဟ်​ရ။ မူ​ဟိုတ်​တဳ​လ​ပိုန်​သ္တၚ်​ဒၟံၚ်​ရော။ က္တဵု​ညိ​ရ။ လ္ပ​ထောံ​ကၠေံ​ပိုဲ​ဍိက်​တံ​လ္အိတ်​တွဵု​ညိ။ ၂၄ဒ​ဒှ်​မ​ဗ္ဒေက်​ဖျဝ်​ကဵု ဒ​ဒှ်​မ​ပ​ယဲ​ခ​ရ ပိုဲ​ဍိက်​တံ​ဒး​ဒုၚ်​ဂှ် ဖျေၚ်​ကၠေံ​မု​က္ခ​ဝါ​တုဲ၊ မူ​ဟိုတ်​တဳ​လ​အဲ​ဝိုတ်​လ​လုဲ​ရော။ ၂၅စိုတ်​ဝိ​ညာန်​ပိုဲ​ဍိက်​တံ​ဝွံ ဒဵု​ကဵု​တိ​ဂှ် ဒ​ဒှ်​မ​ဗ္ဒေက်​ဖျဝ်​ဂှ် ဒး​ဒုၚ်​တုဲ၊ သြိုဟ်​လေ ကြပ်​ဒၟံၚ်​ပ္ဍဲ​တိ​ရ။ ၂၆ကျာ်​မ​ထ​ၜ​သ​ဘာ်​ပိုဲ​ဍိက်​တံ၊ က္တဵု​ညိ​ရ။ အ​တိုၚ်​က​ရုတ်​ဏာ​တဳ​လ​ပိုန်​ဂှ် ကၠး​ပ္တိတ်​ပိုဲ​ဍိက်​တံ​ညိ။