၁ဒှ်သာ်ဂှ် မ္ဂး ပသာ်ဂွံဟီုရော။ ညံၚ်ဂုန်ကျာ်ဂွံတော တက်ဂှ် ပိုဲညးတံဝွံ ဒးဒ္ဂေတ်မံၚ်ဒုဟ်ဒုစရိုတ်အိုတ်ဟာ။ ၂သာ်ဂှ် ဟွံဂွံမံၚ်။ ပ္ဍဲမဆေၚ်ကဵုဒုဟ်ဒုစရိုတ်ညးမချိုတ်တုဲ တံဝွံ ပ္ဍဲဒုဟ်ဒုစရိုတ်ဂှ် ပသာ်ဂွံဂျိုၚ်ပၠန်ရော။ ၃ဆညးမဒုၚ်ၜါတ္တိဇာံပ္ဍဲယေသှုခရေတ်တံဝွံ ပ္ဍဲဒဒှ်တဳလပိုန်မဒုၚ်ဂစိုတ်ဒဒှ်မဒုၚ်ၜါတ္တိဇာံအိုတ်ဂှ် မၞးတံဟွံတီဟာ။ ၄ဟိုတ်ဂှ်ရ။ ပိုဲညးတံဝွံ နကဵုမဒုၚ်ၜါတ္တိဇာံပ္ဍဲဒဒှ်တဳလပိုန်မဒုၚ်ဂစိုတ်ကောံကုတဳလပိုန်မွဲစွံဂှ် ဂွံဒုၚ်တိုပ်အိုတ်ရ။ ဟိုတ်မ္ဂးဂှ်။ ခရေတ်ဝွံ နကဵု တြဳဇှ် မအံက်ညံၚ်နဲ မဂျိုၚ်တိုန်နူဂစိုတ်ဂှ် ပိုဲညးတံဝွံ ပ္ဍဲလမျီုတမိဂှ် ဒးလန်ဂၚေၚ်အိုတ်ရောၚ်။ ၅မွဲနဲပၠန်တုန်။ ပ္ဍဲယောၚ်အလာမဒုၚ်ဂစိုတ်ကောံကု တဳလပိုန် မွဲစွံဂှ် ပိုဲညးတံဝွံ ဂွံဒုၚ်တဵုပ္တံမ္ဂး ပ္ဍဲအယောၚ်အလာမဂျိုၚ်တိုန်ဂှ်လေ ဂွံဒုၚ်အိုတ်ရောၚ်။ ၆ဝေၚ်နူဂှ် မၞိဟ်တရေံပိုဲညးဝွံ ကောံကုတဳလပိုန်မွဲစွံလတူတိုၚ်ညးမဒၚ်ဂှ် ဒုၚ်ဂစိုတ်တုဲရ သာ်ဝွံ ပိုဲညးတီအိုတ်ရ။ ဟိုတ်မ္ဂးဂှ်။ ပိုဲညးတံဝွံ ကြဴမွဲဝါညံၚ်ဟွံဒးဒုၚ်စကာဒုဟ်ဒုစရိုတ်ဂှ် သွက်ဂွံပလီုပလာ် ဇကုဒုဟ်ဒုစရိုတ်ဂှ် မဂွံဒှ်ရောၚ်။ ၇ညးမချိုတ်တုဲ တံဂှ် ဗၠးနူတဲဒုဟ် ဒုစရိုတ်တုဲရ။ ၈ခရေတ်ဝွံ ဂျိုၚ်တိုန်နူ ဂစိုတ်တုဲ နူကဵုဂစိုတ်ဂှ် ဂွံဗၠးသၠးလ္အိတ်တွဵုရ။ ၉ကြဴဂှ် ပ္ဍဲတဳလပိုန်ဒဒှ်မချိုတ်ဟွံဂွံအဝဵုဂှ် တီတုဲ ပိုဲညးတံဝွံ ကောံကု ခရေတ်မွဲစွံဂှ် ချိုတ်မ္ဂး ကောံကုနာဲတေံမွဲစွံဂှ် ဂွံဂျိုၚ်လမျီုရောၚ် သာ်ဝွံ ပိုဲညးပ္တေဟ်အိုတ်ရ။ ၁၀ဒဒှ်ခရေတ်မဒုၚ်ဂစိုတ်ဟိုတ်နူ ဒုဟ်ဂှ် ဒုၚ်ဂစိုတ်ဆမွဲဝါရ။ ပ္ဍဲဒဒှ်မဂျိုၚ်လမျီုသွက်ကျာ်ဂမျိုၚ်ဂှ် ဂျိုၚ်လမျီုရောၚ်။ ၁၁ညံၚ်နဲသာ်ဂှ် မၞးတံဝွံ ပ္ဍဲမဆေၚ်ကဵုဒုဟ်ဂှ် ချိုတ်ဒၟံၚ်တုဲရသာ်ဂှ်လေကီု။ ပ္ဍဲမဆေၚ်ကဵု ကျာ်ဂမျိုၚ်ဂှ် နကဵုယေသှုခရေတ်ဝွံ ဂျိုၚ်လမျီုရောၚ် သာ်ဂှ်လေကီု ဇကုဇကုဂှ် ဇကုသမ္တီအိုတ်ရ။
၁၂ဟိုတ်ဂှ်ရ။ ပၟိက်ဇကုကာယျ မၞးတံမလေပ်ချိုတ်ဒဵုကဵု မၞးတံမဒးဗက်ဂှ် ဒုဟ်ဒုစရိုတ်ဝွံ ပ္ဍဲဇကုကာယျမၞးတံဂှ် လ္ပ ကဵုဂွံအဝဵုအိုတ်ညိ။ ၁၃အၚ်္ဂမၞး တံညံၚ်ဂွံဒှ် လွဟ်တဲဒုဟ်ဒုစရိုတ် ပ္ဍဲတဲဒုဟ် ဒုစရိုတ်ဂှ် လ္ပပ္အပ်အိုတ်။ ညံၚ်နဲမၞိဟ်မဂျိုၚ်တိုန်နူဂစိုတ်ဂှ် မၞးတံဝွံ ဇကုဇကုဂှ် ပ္အပ်ပ္ဍဲကျာ်ဂမျိုၚ်အိုတ်ရ။ အၚ်္ဂဇကုအိုတ်သီုတံဂှ်လေ ညံၚ်ဂွံဒှ် လွဟ်တဲမသ္တပ်လ္ဂူဂှ် ပ္အပ်ပ္ဍဲကျာ်ဂမျိုၚ်အိုတ်ရ။ ၁၄ဒုဟ်ဒုစရိုတ်ဝွံဂှ် ဟွံဂွံအဝဵုပ္ဍဲမၞးတံရ။ ဟိုတ်မ္ဂးဂှ်။ မၞးတံဝွံ နွံပ္ဍဲတဲဓဝ်ပညပ်ဟွံသေၚ်။ နွံပ္ဍဲတဲဓဝ်ဂုန်အိုတ်ရောၚ်။ ၁၅ဒှ်သာ်ဂှ် မ္ဂး ပသာ်ရော။ ပိုဲညးတံဝွံ နွံပ္ဍဲတဲဓဝ်ပညပ်ဟွံသေၚ်။ ဟိုတ်မနွံပ္ဍဲတဲဓဝ်ဂုန်ဂှ် ဂွံပဒုဟ်ဒုစရိုတ်ရဟာ။ သာ်ဂှ် ဟွံဂွံပ၊ ၁၆ယြဴပ္ဍဲထာန်ညးမွဲညံၚ်ဂွံဒှ်ဍိက်မဒုၚ်စကာညးဂှ် မၞးတံပ္အပ်ဇကုရ။ ဒုဟ်ဒုစရိုတ်မဆေၚ်စပ်ကဵုဂမ္စိုတ်ကဵုဒှ်။ ဒဒှ်မကလၚ်မဆေၚ်စပ်ကဵုဒဒှ်မသ္တပ်လ္ဂူကဵုဒှ်မၞးတံဝွံ ဗက်ပၟိက်ညးမွဲမွဲမ္ဂး ဒဒှ်မဒှ်ဍိက်ညးဂှ် ဟွံတီ အိုတ်ဟာ။ ၁၇မၞးတံဝွံ ၜိုန်မကေၚ်ဒှ်ဍိက်ဒုဟ်ဒုစရိုတ်အိုတ်ဂှ် လမုဟ်ဝွံ ဩဝါဒဥပ္ပဒေသမပ္အပ်ပ္ဍဲမၞးတံဂှ် သီုကဵုစိုတ် စေတဏာမၞး တံကလၚ်အိုတ်ဂှ် ဒှ်တုဲ ဂုန်ကျာ် ဂမျိုၚ်ဝွံ ဇၞော်ဗွဲမလောန်ရောၚ်။ ၁၈မၞးတံဝွံ ဗၠးနူတဲဒုဟ်ဒုစရိုတ်အိုတ်ဂှ်ဒှ်တုဲ ဍိက်ဓဝ်မသ္တပ်လ္ဂူဂှ် ဂွံဒှ်အိုတ်တုဲရ။ ၁၉ပ္ဍဲအဲမဟီုသာ်ဂှ် မၞးတံဝွံ အတိုၚ်ဇာတိပက္ကတိဟိုတ်မအောန်ကဵုပညာ အတိုၚ်ဝေါဟာမၞိဟ်ဂှ် မဟီုရ။ မၞးတံဝွံ သၟိက်ဂွံဒှ်ဍိက်အရာမကၠိပပ်ကဵု အရာဟွံဓဝ်သၟတ် သွက်ဂွံပပွဟွံဓဝ်သၟတ်ဂှ် ညံၚ်နဲမကေၚ်ပ္အပ်အၚ်္ဂဇကုတံဂှ် လမုဟ်ဝွံ သၟိက်ဂွံဒှ်ဍိက်ဒဒှ်မသ္တပ်လ္ဂူသွက်မသ္အးဇ္ၚးအၚ်္ဂဇကုတံဂှ် ဇကုပ္အပ်အိုတ်ရ။ ၂၀မၞးတံဝွံ ကာလမဒှ်ဒၟံၚ်ဍိက်ဒုဟ် ဒုစရိုတ်ဂှ် ဗၠးသၠးဒၟံၚ်နူတဲဒဒှ်မသ္တပ်လ္ဂူအိုတ်ရ။ ၂၁ပ္ဍဲကာလမၞးတံမဒ္ဂေတ်ဒၟံၚ်ဒ္ဂေတ်မဖေက်ဂွဂှ် လမုဟ်ဝွံ မူဖဵုမၞးတံဂွံဒုၚ်စအိုတ်ရော။ ကၞောတ်ဒ္ဂေတ်သာ်ဂှ် ဒှ်ဂမ္စိုတ်ရောၚ်။ ၂၂လမုဟ်မ္ဂးဂှ် မၞးတံဝွံ ဗၠးနူတဲဒုဟ်ဒုစရိုတ်တုဲ ဒှ်ဍိက်ကျာ်ဂမျိုၚ်မ္ဂး ဖဵုဒဒှ်မသ္အးဇ္ၚးဂှ် ဂွံဒုၚ်အိုတ်ရ။ ပ္ဍဲကၞောတ်ဂှ်လေ ဂွံလမျီုထာဝရအိုတ်ရောၚ်။ ၂၃ဟိုတ်မ္ဂးဂှ်။ လိၚ်ဒုဟ်ဒုစရိုတ်ဂှ် ဒှ်ဂမ္စိုတ်ရောၚ်။ လာပ်ဖဵုကျာ်မကဵုနကဵုနာဲပိုဲယေသှုခရေတ်မ္ဂးဂှ် လမျီုထာဝရရောၚ်။